પાકિસ્તાને દેશની જળસીમામાં ગેરકાયદેસર રીતે માછીમારી કરવા બદલ 16 ભારતીય માછીમારોની ધરપકડ કરી છે. આ દરમિયાન બે ટ્રોલર પણ જપ્ત કરવામાં આવ્યા છે. પાકિસ્તાન મેરીટાઇમ સિક્યોરિટી એજન્સી (PMSA) એ જણાવ્યું હતું કે તેના એક જહાજે પાકિસ્તાનના દરિયાઈ વિસ્તારોમાં નિયમિત દેખરેખ દરમિયાન 16 ક્રૂ સભ્યો સાથે બે ભારતીય માછીમારી બોટને પકડી લીધી હતી.
PMSAએ એક નિવેદનમાં કહ્યું કે પકડાયેલી ભારતીય બોટ પાકિસ્તાની જળસીમાની અંદર હતી. પાકિસ્તાની કાયદા અને યુએનના કાયદાનું ઉલ્લંઘન કરવા બદલ દરિયામાં ભારતીય બોટ પકડાઈ છે. પ્રાથમિક તપાસ પછી, બોટને કરાચી લઈ જવામાં આવી હતી અને પકડાયેલા માછીમારોને વધુ કાનૂની ઔપચારિકતાઓ પૂર્ણ કરવા માટે ડોક્સ પોલીસને સોંપવામાં આવ્યા હતા.
PMSA જહાજો, એરક્રાફ્ટ અને બોટ સ્થાનિક માછીમારોના હિતોના રક્ષણ માટે પાકિસ્તાનના દરિયાઈ વિસ્તારોમાં નિયમિતપણે પેટ્રોલિંગ અને દેખરેખ રાખે છે. તેઓ સુનિશ્ચિત કરે છે કે કોઈ વિદેશી માછીમારીના જહાજો દેશના વિશિષ્ટ આર્થિક ક્ષેત્ર (EEZ) ની અંદર એન્ટ્રી ન કરે.
