unemployment:   માર્ચમાં દેશમાં બેરોજગારીનો દર 7.8 ટકાના ત્રણ મહિનાના ઉચ્ચ સ્તરે હતો. સેન્ટર ફોર મોનિટરિંગ ઇન્ડિયન ઇકોનોમી (CMIE) ના ડેટા અનુસાર, બેરોજગારીનો દર ડિસેમ્બર 2022 માં વધીને 8.30 ટકા થયો હતો, જે જાન્યુઆરી અને ફેબ્રુઆરીમાં અનુક્રમે 7.14 અને 7.45 ટકા પર આવી ગયો હતો.CMIE અનુસાર, ગયા મહિને શહેરી વિસ્તારોમાં બેરોજગારીનો દર 8.4 ટકા અને ગ્રામીણ વિસ્તારોમાં 7.5 ટકા હતો.

CMIEના મેનેજિંગ ડિરેક્ટર (unemployment) મહેશ વ્યાસનું કહેવું છે કે માર્ચ 2023માં લેબર માર્કેટમાં ઘટાડાથી બેરોજગારીનો દર વધ્યો છે. આનાથી શ્રમ દળની ભાગીદારી દર પર પણ અસર પડી છે, જે 39.9 ટકાથી ઘટીને 39.8 ટકા થઈ ગયો છે. આના કારણે રોજગાર દર ફેબ્રુઆરીમાં 36.9 ટકાથી ઘટીને માર્ચમાં 36.7 ટકા થયો હતો અને રોજગારની કુલ સંખ્યા 40.99 કરોડથી ઘટીને 40.76 કરોડ થઈ હતી.

CIEL HR સર્વિસિસના (unemployment) ડિરેક્ટર અને CEO આદિત્ય મિશ્રા કહે છે કે ઓક્ટોબર-જાન્યુઆરી ફેસ્ટિવ સિઝનમાં તેજી બાદ રિટેલ, સપ્લાય ચેઇન, લોજિસ્ટિક્સ, ફાઇનાન્સિયલ સર્વિસિસ અને ઇ-કોમર્સમાં રોજગારમાં ઘટાડો થયો છે. સૌથી વધુ બેરોજગારીવાળા રાજ્યોમાં હરિયાણા ટોચ પર છે. અહીં માર્ચમાં બેરોજગારીનો દર 26.8 ટકા હતો. તે પછી બેરોજગારીની દ્રષ્ટિએ રાજસ્થાન (26.4 ટકા), જમ્મુ અને કાશ્મીર (23.1 ટકા), સિક્કિમ (20.7 ટકા), બિહાર (17.6 ટકા) અને ઝારખંડ (17.5 ટકા) આવે છે. ઉત્તરાખંડ અને છત્તીસગઢ સૌથી ઓછા બેરોજગારી દરના સંદર્ભમાં ટોચ પર છે. ગયા મહિને આ બંને રાજ્યોમાં બેરોજગારીનો દર 0.8 ટકા હતો. તે પછી પુડુચેરી (1.5 ટકા), ગુજરાત (1.8 ટકા), કર્ણાટક (2.3 ટકા) અને મેઘાલય અને ઓડિશા (2.6 ટકા) આવે છે.