નવી દિલ્હીમાં ભારતનું નવું ભવ્ય સંસદ ભવન પૂર્ણ થયું છે. 28 મેના રોજ વડાપ્રધાન નરેન્દ્ર મોદી આ નવા સંસદ ભવનનું ઉદ્ઘાટન કરવા જઈ રહ્યા છે. નવા સંસદભવનના નિર્માણનો ઉગ્ર વિરોધ કરી રહેલા વિપક્ષી દળો પણ સંસદ ભવનનાં ઉદ્ઘાટન સમારોહનો વિરોધ કરી રહ્યાં છે.અત્યાર સુધીમાં 19 પક્ષોએ 28મી મેના રોજ યોજાનાર ઉદ્ઘાટન સમારોહનો બહિષ્કાર કરવાનો નિર્ણય લીધો છે.
વિરોધ પક્ષો સિવાય બીજુ જનતા દળે ઉદ્ઘાટન સમારોહમાં ભાગ લેવાનો નિર્ણય કર્યો છે. બીજેડીના રાષ્ટ્રીય પ્રવક્તા ડૉ. સસ્મિતે પોતાનું નિવેદન જાહેર કરતાં કહ્યું કે રાષ્ટ્રપતિ ભારતના રાજ્યના વડા છે, જ્યારે સંસદ 1.4 અબજ ભારતીયોનું પ્રતિનિધિત્વ કરે છે. બંને સંસ્થાઓ ભારતીય લોકશાહીનું પ્રતિનિધિત્વ કરે છે અને ભારતીય બંધારણમાંથી તેમની સત્તા મેળવે છે. બીજેડીના પ્રવક્તાએ કહ્યું કે આ બંધારણીય સંસ્થાઓની સત્તા અને કદનું રક્ષણ થવું જોઈએ. બીજેડી માને છે કે આ બંધારણીય સંસ્થાઓને કોઈપણ મુદ્દાથી ઉપર રાખવી જોઈએ. તેની માન્યતાઓ અનુસાર, BJD આ મહત્વપૂર્ણ પ્રસંગનો એક ભાગ હશે. જણાવી દઈએ કે 19 વિપક્ષી પાર્ટીઓએ સંયુક્ત નિવેદન જારી કરીને નવા સંસદ ભવનનાં ઉદ્ઘાટનનો બહિષ્કાર કર્યો છે. તેમણે કહ્યું- જ્યારે લોકશાહીની આત્મા સંસદમાંથી જ બહાર ફેંકાઈ ગઈ છે ત્યારે નવી ઈમારતનું કોઈ મહત્વ નથી.
