વિપક્ષી ગઠબંધન ઇન્ડિયાની આગામી બેઠકની તારીખ નક્કી કરવામાં આવી છે. સૂત્રોના જણાવ્યા અનુસાર મુંબઈમાં યોજાનારી આ બેઠક 25 અને 26 ઓગસ્ટના રોજ યોજાશે. પટના અને બેંગલુરુ બાદ વિપક્ષી ગઠબંધનની આ ત્રીજી બેઠક છે, જેમાં કન્વીનર સિવાય ઘણા મહત્વના નિર્ણયો લેવામાં આવશે.
આ જોડાણને ઈન્ડિયન નેશનલ ડેવલપમેન્ટ ઈન્ક્લુઝિવ એલાયન્સ (ઈન્ડિયા) નામ આપવામાં આવ્યું છે. વિપક્ષી દળોની પહેલી બેઠક 23 જૂને પટનામાં થઈ હતી. બિહારના મુખ્યમંત્રી નીતિશ કુમાર અને નાયબ મુખ્યમંત્રી તેજસ્વી યાદવે આ બેઠકનું આયોજન કર્યું હતું. આ બેઠક બાદ આ વિરોધ પક્ષોએ સાથે મળીને ચૂંટણી લડવાની વાત કરી હતી.આ પછી, 17-18 જુલાઈના રોજ બેંગલુરુમાં વિરોધ પક્ષોની બીજી બેઠક યોજાઈ હતી. કોંગ્રેસે આ બેઠકની અધ્યક્ષતા કરી હતી. વિપક્ષનું કહેવું છે કે આ બેઠકોનો હેતુ વિપક્ષી એકતા બનાવવાનો અને 2024ની લોકસભા ચૂંટણીમાં સત્તારૂઢ ભાજપનો સામનો કરવા માટેની વ્યૂહરચના ઘડવાનો છે.
