Madhya Pradesh News: ઉજ્જૈનમાં મહાકાલેશ્વર જ્યોતિર્લિંગ મંદિરમાં હોળીના દિવસે ગર્ભગૃહમાં આગની ઘટના બાદ મંદિર પ્રશાસને સુરક્ષા વ્યવસ્થા માટે કડક પગલા લીધા છે. ભસ્મ આરતી દરમિયાન ગર્ભગૃહમાં પૂજારીઓની સંખ્યા મર્યાદિત રાખવામાં આવી છે. ઉપરાંત, પંડે, પૂજારી અને સેવકોને મંદિરની આસપાસ બિનજરૂરી ફરવા પર પ્રતિબંધ મૂકવામાં આવ્યો છે.
એટલું જ નહીં, ભક્તોને મોબાઈલ ફોન સાથે મંદિરમાં પ્રવેશવા પર પણ પ્રતિબંધ મૂકવામાં આવ્યો છે. મંદિરના પ્રશાસકે જણાવ્યું કે, મહાકાલ મંદિરની વ્યવસ્થા સુધારવા માટે મહાકાલેશ્વર મંદિર વ્યવસ્થાપન સમિતિ અને જિલ્લા વહીવટીતંત્ર દ્વારા સંયુક્ત રીતે કાર્યવાહી કરવામાં આવી રહી છે. આ અંતર્ગત ભસ્મ આરતીના સમયે ગર્ભગૃહમાં પૂજારીઓની સંખ્યા મર્યાદિત કરવામાં આવી છે. બિનજરૂરી પંડે, પૂજારી અને સેવકોના પ્રવેશ પર પણ પ્રતિબંધ મૂકાયો છે.
વધુમાં, ભસ્મ આરતી માટે આવતા દર્શનાર્થીઓને પણ તપાસ બાદ જ મંદિરમાં પ્રવેશ આપવામાં આવી રહ્યો છે. ઈલેક્ટ્રોનિક સાધનો અને અન્ય સેન્સિટિવ ઈક્વિપમેન્ટ કે જેનાથી અકસ્માત થઈ શકે છે તેના માટે અલગથી કાઉન્ટર્સ બનાવવામાં આવી રહ્યા છે.
ભસ્મ આરતીના નામે ભક્તો પાસેથી પૈસા લેનારાઓ સામે દંડાત્મક કાર્યવાહી કરવામાં આવી રહી છે. ભસ્મ આરતી વખતે પહેલા લોકો નંદીજીની સામે દ્વાર સુધી બેસી જતા હતા. હવે ભક્તોને નંદીજીની પાછળ બેસાડવામાં આવી રહ્યા છે. પરિણામે નગરા ગેટથી નંદી હોલ રેમ્પ સુધીનો ટ્રાફિક ઈમરજન્સીની સ્થિતિમાં અવરોધાશે નહીં.
ગરમીને ધ્યાનમાં રાખીને મંદિરના પ્રવેશદ્વારથી લઈને મંદિર સુધી છાંયડો અને કાર્પેટ બિછાવવાની વ્યવસ્થા પણ કરવામાં આવી છે.
આ પણ વાંચો: Supremecourt-Patanjali/પતંજલિના ભ્રામક જાહેરાતના કેસમાં સુપ્રીમ કોર્ટમાં આજે સુનાવણી, બાબા રામદેવ અને MD બાલકૃષ્ણે માંગી બિનશરતી માફી
આ પણ વાંચો: cm arvind kejrival/અરવિંદ કેજરીવાલ પંહોચ્યા સુપ્રીમ કોર્ટ, દિલ્હી દારૂ કૌભાંડ કેસમાં હાઈકોર્ટમાંથી ના મળી રાહત
આ પણ વાંચો: Airfare/ફ્લાઈટ્સ કેન્સલ થવા અને મુસાફરીની માંગમાં વધારાને કારણે હવાઈ ભાડામાં 20 થી 25 ટકાનો વધારો
