પાકિસ્તાન પોતાની ખાડેગયેલ અર્થવ્યવસ્થા સુધારવા પ્રયાસ કરી રહ્યું છે. આ મામલે IMF સાથે નાણાંકીય સહાયની માંગ કરવામાં આવી રહી છે. પરંતુ IMF પણ આર્થિક રીતે સંકટનો સામનો કરી રહેલ પાકિસ્તાનને કેવી રીતે મદદ કરી શકાય તે મામલે અસમંજસમાં છે. IMFનું પ્રતિનિધિમંડળ આવતા અઠવાડિયે નાણાંકીય સંકટનો સામનો કરી રહેલા પાકિસ્તાનના અધિકારીઓને મળશે. અધિકારીઓએ રવિવારે કહ્યું કે આ સમયગાળા દરમિયાન બહેતર શાસન અને મજબૂત આર્થિક વૃદ્ધિનો પાયો નાખવા પર ચર્ચા કરવામાં આવશે.

ગયા મહિને, પાકિસ્તાને ઇન્ટરનેશનલ મોનેટરી ફંડ (IMF) સાથે ત્રણ અબજ ડોલરનો સહાય કાર્યક્રમ પૂર્ણ કર્યો અને ડિફોલ્ટ શ્રેણીમાંથી બહાર આવી ગયું. ઈસ્લામાબાદે રાહત પેકેજની વિનંતી કર્યા બાદ વોશિંગ્ટન સ્થિત વૈશ્વિક ધિરાણકર્તાની એક ટીમ શુક્રવારે વાટાઘાટો માટે પાકિસ્તાન પહોંચી હતી.

IMF ની મદદની પહેલ અધિકારીઓ સાથે કરશે મુલાકાત
પાકિસ્તાનમાં IMFના સ્થાનિક પ્રતિનિધિ એસ્થર પેરેઝ રુઇઝે જણાવ્યું હતું કે, “IMF પ્રતિનિધિમંડળના વડા નાથન પોર્ટરની આગેવાની હેઠળની એક ટીમ, આગામી પગલાઓ અંગે ચર્ચા કરવા માટે આવતા અઠવાડિયે અધિકારીઓને મળશે.” પાકિસ્તાનના નાણા મંત્રી મુહમ્મદ ઔરંગઝેબે રવિવારે કહ્યું કે દેશમાં આર્થિક સ્થિરતા હાંસલ કરવા માટે ખાનગીકરણ જરૂરી છે. પ્રી-બજેટ કોન્ફરન્સને સંબોધતા ઔરંગઝેબે કહ્યું કે જો તમારે આર્થિક સ્થિરતા જોઈતી હોય તો તમારે ખાનગીકરણ તરફ આગળ વધવું પડશે.

IMFની પાકિસ્તાનને મદદ આપવા મામલે ચિંતા

IMFએ નોંધ્યું છે કે પાકિસ્તાન મુસ્લિમ લીગ-નવાઝ (PML-N) અને પાકિસ્તાન પીપલ્સ પાર્ટી (PPP)ના ગઠબંધન દ્વારા ગઠબંધન સરકાર રચવામાં આવી હોવા છતાં, પાકિસ્તાન તહરીક-એ-ઈન્સાફ (PTI) દ્વારા સમર્થિત સ્વતંત્ર ઉમેદવારોને અન્ય કરતા વધુ મત મળ્યા હતા. તાજેતરમાં રચાયેલી સરકારે સ્ટેન્ડબાય વ્યવસ્થા નીતિઓ ચાલુ રાખવા માટે પ્રતિબદ્ધ છે. જો કે, જટિલ રાજકીય પરિસ્થિતિ, ફુગાવો અને સામાજિક તણાવ પાકિસ્તાનમાં નીતિ સુધારાના અમલીકરણને અસર કરી શકે છે.

IMF રિપોર્ટમાં ચેતવણી આપવામાં આવી છે કે આર્થિક નીતિઓનો અમલ ન થવાથી અને બાહ્ય ધિરાણમાં ઘટાડો થવાથી લોન અને વિનિમય દરો પર દબાણ આવવાની શક્યતા છે. વધુમાં, જો બાહ્ય ધિરાણમાં વિલંબ થાય તો આંતરરાષ્ટ્રીય બેંકો પર પાકિસ્તાનની સરકારને લોન મંજૂર કરવા માટે દબાણ વધી શકે છે. IMFએ ખાનગી ક્ષેત્ર માટે ધિરાણ ક્ષમતામાં વધુ ઘટાડા અંગે ચિંતા વ્યક્ત કરી છે. તેમાં કહેવામાં આવ્યું છે કે શિપિંગમાં વિક્ષેપ, કોમોડિટીના ભાવમાં વધઘટ અથવા કડક વૈશ્વિક નાણાકીય સ્થિતિ જેવા પરિબળો બાહ્ય સ્થિરતાને અસર કરશે.

આ પણ વાંચો: મનીષ સિસોદિયાની જામીન અરજી પર આજે હાઈકોર્ટમાં સુનાવણી, રાહત મળવાની સંભાવના

આ પણ વાંચો: PM મોદી આજે તેમના મત વિસ્તાર વારાણસીમાં કરશે ધુંઆધાર પ્રચાર

આ પણ વાંચો: સોનિયા ગાંધીનો મતદાતાઓને સંદેશ, કોંગ્રેસની ‘મહાલક્ષ્મી’ યોજના બદલશે મહિલાઓનું જીવન