દારુ કૌભાંડ કેસમાં જેલમાં બંધ દિલ્હીના પૂર્વ ડેપ્યુટી સીએમ મનીષ સિસોદિયાની જામીન અરજી પર આજે એટલે કે 13 મેના રોજ દિલ્હી હાઈકોર્ટમાં સુનાવણી થવાની છે. અગાઉ 8મી મેના રોજ થયેલી સુનાવણીમાં ED અને CBIના વકીલોએ જસ્ટિસ સ્વર્ણકાંતા શર્માને કહ્યું હતું કે અમને જવાબ દાખલ કરવા માટે એક સપ્તાહનો સમય જોઈએ છે. કેજરીવાલ બાદ સિસોદીયાને રાહત મળવાની આપ પાર્ટીને આશા છે.
હકીકતમાં, દિલ્હી હાઈકોર્ટમાં 8 મેના રોજ દિલ્હીના પૂર્વ નાયબ મુખ્યમંત્રી મનીષ સિસોદિયાની જામીન અરજી પર મહત્વપૂર્ણ સુનાવણી હાથ ધરવામાં આવી હતી. જ્યાં બંને પક્ષોની દલીલો સાંભળ્યા બાદ જસ્ટિસ સ્વર્ણકાંત શર્માએ કહ્યું કે હું તમને (ED)ને માત્ર 4 દિવસનો સમય આપી રહ્યો છું. હું સોમવાર 13 મી મે માટે આ બાબત રાખી રહ્યો છું. જામીન અરજી પર હવે 13 મેના રોજ સુનાવણી થશે. આ પહેલા દિલ્હીની રાઉઝ એવન્યુ કોર્ટે મનીષ સિસોદિયાની જામીન અરજી ફગાવી દીધી હતી, જેને હાઈકોર્ટમાં પડકારવામાં આવી હતી.
અગાઉ, 3 મેના રોજ સુનાવણીમાં, કોર્ટે ED-CBIને નોટિસ જારી કરીને તેમનો જવાબ માંગ્યો હતો અને સિસોદિયાની ન્યાયિક કસ્ટડી 8 મે સુધી લંબાવવામાં આવી હતી. સુનાવણી દરમિયાન ઈડીએ જવાબ દાખલ કરવા માટે સમય માંગ્યો હતો. જે બાદ કોર્ટે EDને 8 મે સુધીનો સમય આપ્યો હતો. કોર્ટે કહ્યું હતું કે દસ્તાવેજોની તપાસ કર્યા બાદ EDએ 8 મેના રોજ બપોરે 12 વાગ્યા સુધીમાં જવાબ દાખલ કરવો જોઈએ. કોર્ટે મનીષ સિસોદિયાને કસ્ટડીમાં અઠવાડિયામાં એકવાર તેની પત્નીને મળવાની પણ મંજૂરી આપી હતી. સિસોદિયાને તેમની બીમાર પત્ની સીમાને અઠવાડિયામાં એકવાર મળવાની પણ પરવાનગી આપવામાં આવી હતી.
તમને જણાવી દઈએ કે મનીષ સિસોદિયાની લગભગ 8 કલાકની પૂછપરછ બાદ 26 ફેબ્રુઆરી 2023ના રોજ સીબીઆઈ દ્વારા ધરપકડ કરવામાં આવી હતી. આ પછી EDએ મની લોન્ડરિંગ કેસમાં પણ તેની ધરપકડ કરી હતી. હાલ તે તિહાર જેલમાં છે. દિલ્હીના પૂર્વ નાયબ મુખ્યમંત્રી મનીષ સિસોદિયાને ફરી આંચકો લાગ્યો છે. 7 મે, 2024 ના રોજ, રાઉઝ એવન્યુ કોર્ટે દિલ્હી દારૂ કૌભાંડ સંબંધિત CBI કેસમાં મનીષ સિસોદિયાની ન્યાયિક કસ્ટડી 15 મે સુધી લંબાવી હતી.
