વડાપ્રધાન નરેન્દ્ર મોદી તમિલનાડુમાં તિરુચિરાપલ્લી ઈન્ટરનેશનલ એરપોર્ટ પર નવા ટર્મિનલ બિલ્ડિંગનું ઉદ્ઘાટન કરશે. તિરુચિરાપલ્લી એરપોર્ટનું નવું ટર્મિનલ 1100 કરોડ રૂપિયાના ખર્ચે વિકસાવવામાં આવ્યું છે. નવા ટર્મિનલમાં સંસ્કૃતિ, કલા અને ટેકનોલોજીનું સંપૂર્ણ ધ્યાન રાખવામાં આવ્યું છે. કોલમ આર્ટથી લઈને શ્રીરંગમ મંદિરના રંગો અને અન્ય થીમ સુધીની આર્ટવર્ક ટર્મિનલ પર બનાવવામાં આવી છે. આ સાથે મુસાફરોની સુવિધા માટે નવા ટર્મિનલ બિલ્ડિંગમાં 60 ચેક-ઈન કાઉન્ટર બનાવવામાં આવ્યા છે.
રંગનાથસ્વામી મંદિર થીમ
 "સંસ્કૃતિ, કલા અને ટેકનોલોજી... જુઓ તિરુચિરાપલ્લી ઈન્ટરનેશનલ એરપોર્ટની તસ્વીરો 2")
તિરુચિરાપલ્લી ઇન્ટરનેશનલ એરપોર્ટનું નવું ટર્મિનલ બિલ્ડિંગ શ્રી રંગનાથસ્વામી મંદિરની થીમ પર બનાવવામાં આવ્યું છે. જેમાં કોલમ આર્ટથી લઈને રંગો અને શ્રી રંગનાથસ્વામી મંદિરની અન્ય થીમ સુધીની કલાકૃતિઓ બતાવવામાં આવી છે. આ કલાકૃતિઓ ગતિશીલ બાહ્ય અને અદભૂત આંતરિક વસ્તુઓ દ્વારા બાકીના વિશ્વ સાથે ભારતના જોડાણને પ્રતિબિંબિત કરે છે.
તિરુચિરાપલ્લીની સંસ્કૃતિ
 "સંસ્કૃતિ, કલા અને ટેકનોલોજી... જુઓ તિરુચિરાપલ્લી ઈન્ટરનેશનલ એરપોર્ટની તસ્વીરો 3")
તિરુચિરાપલ્લી ઇન્ટરનેશનલ એરપોર્ટના નવા ટર્મિનલ બિલ્ડિંગની ડિઝાઇન તિરુચિરાપલ્લીની સાંસ્કૃતિક ગતિથી પ્રેરિત છે. ટર્મિનલના ગેટ પર રંગનાથ સ્વામી મંદિર જેવો આકાર બનાવવામાં આવ્યો છે.
કલાકૃતિઓથી સજ્જ નવું ટર્મિનલ
 "સંસ્કૃતિ, કલા અને ટેકનોલોજી... જુઓ તિરુચિરાપલ્લી ઈન્ટરનેશનલ એરપોર્ટની તસ્વીરો 4")
નવા ટર્મિનલ બિલ્ડીંગમાં ઘણાં પેઇન્ટિંગ અને ભીંતચિત્રો બનાવવામાં આવ્યા છે. નવા ટર્મિનલને આર્ટવર્ક સાથે સજ્જ કરવા માટે કુલ 100 કલાકારોની નિમણૂક કરવામાં આવી હતી. આ ભીંતચિત્રો 30 દિવસમાં બનાવવામાં આવી હતી.
મુસાફરો માટે સુવિધા
 "સંસ્કૃતિ, કલા અને ટેકનોલોજી... જુઓ તિરુચિરાપલ્લી ઈન્ટરનેશનલ એરપોર્ટની તસ્વીરો 5")
મુસાફરોની સુવિધા માટે નવા ટર્મિનલ બિલ્ડિંગમાં ટેક્નોલોજીનો સંપૂર્ણ ઉપયોગ કરવામાં આવ્યો છે. નવા ટર્મિનલ બિલ્ડિંગમાં 60 ચેક-ઇન કાઉન્ટર અને 5 બેગેજ કેરોસેલ્સ ઉપરાંત 60 અરાઇવલ ઇમિગ્રેશન કાઉન્ટર અને 44 ડિપાર્ચર ઇમિગ્રેશન કાઉન્ટર બનાવવામાં આવ્યા છે.
3500 મુસાફરોની ક્ષમતા
 "સંસ્કૃતિ, કલા અને ટેકનોલોજી... જુઓ તિરુચિરાપલ્લી ઈન્ટરનેશનલ એરપોર્ટની તસ્વીરો 6")
1100 કરોડના ખર્ચે બનેલ નવા ટર્મિનલ બિલ્ડીંગમાં 3500 મુસાફરોની સેવા કરવાની ક્ષમતા છે. નવા બે-સ્તરના આંતરરાષ્ટ્રીય ટર્મિનલમાં વાર્ષિક 44 લાખથી વધુ મુસાફરો મુસાફરી કરશે.
પીએમ મોદીના સ્વાગતની તૈયારીઓ
 "સંસ્કૃતિ, કલા અને ટેકનોલોજી... જુઓ તિરુચિરાપલ્લી ઈન્ટરનેશનલ એરપોર્ટની તસ્વીરો 7")
વર્ષ 2024માં વડાપ્રધાન નરેન્દ્ર મોદીની આ પ્રથમ મુલાકાત છે. પીએમ મોદીના ત્રિચીમાં આગમન પર તેમનું ઉષ્માભર્યું સ્વાગત કરવાની તૈયારીઓ કરવામાં આવી છે અને રસ્તાઓ પર વિશાળ પોસ્ટરો લગાવવામાં આવ્યા છે. રાજસ્થાન, મધ્યપ્રદેશ અને છત્તીસગઢ વિધાનસભા ચૂંટણીમાં ભાજપની બમ્પર જીત બાદ પીએમ મોદીની દક્ષિણ ભારતની આ પ્રથમ મુલાકાત છે.
આ પણ વાંચો:
આ પણ વાંચો:
આ પણ વાંચો:
