Business News : દેશની સૌથી મોટી હેલ્થ ઈન્સ્યોરન્સ કંપની સ્ટાર હેલ્થને સાઈબર એટેકનો સામનો કરવો પડ્યો છે, જેમાં એક હેકરે કંપનીના ગ્રાહકોનો ડેટા અને મેડિકલ રેકોર્ડ લીક કરવાની ધમકી આપી છે. હેકરે કંપનીના મેનેજિંગ ડિરેક્ટરને મોકલેલા ઈ-મેલમાં $68,000 (અંદાજે 57.21 લાખ રૂપિયા)ની ખંડણીની માંગણી કરી છે. સ્ટાર હેલ્થનું માર્કેટ કેપ લગભગ $4 બિલિયન છે અને કંપની હાલમાં પ્રતિષ્ઠા અને બિઝનેસ કટોકટીનો સામનો કરી રહી છે.મીડિયા રિપોર્ટ્સ અનુસાર, હેકરે ટેલિગ્રામ ચેટબોટ્સ અને એક વેબસાઈટનો ઉપયોગ ગ્રાહકોનો સંવેદનશીલ ડેટા લીક કરવા માટે કર્યો હતો, જેમાં ટેક્સની વિગતો અને મેડિકલ ક્લેમ પેપરનો સમાવેશ થાય છે. કંપનીએ આંતરિક તપાસ શરૂ કરી છે અને કહ્યું છે કે તે લક્ષિત દૂષિત સાયબર એટેકનો શિકાર છે.
કંપનીનું નિવેદન
ભારતીય સ્ટોક એક્સચેન્જોએ આ રિપોર્ટ પર સ્ટાર હેલ્થ પાસેથી સ્પષ્ટતા માંગી છે, ખાસ કરીને તે જાણવા માટે કે શું કંપનીના મુખ્ય સુરક્ષા અધિકારી આ ડેટા લીકમાં સામેલ હતા. કંપનીએ કહ્યું કે તેણે હેકરને ઓળખવામાં મદદ કરવા માટે ભારતીય સાયબર સુરક્ષા અધિકારીઓ પાસેથી મદદ માંગી છે. દરમિયાન, ટેલિગ્રામે હેકર સાથે જોડાયેલા એકાઉન્ટને કાયમી ધોરણે પ્રતિબંધિત કરવાનો ઇનકાર કર્યો છે.
આ પણ વાંચોઃ કોલકાતા મહિલા ડોક્ટર કેસમાં સુપ્રીમ કોર્ટમાં આજે CBI સ્ટેટસ રિપોર્ટ રજૂ કરશે
આ પણ વાંચોઃ સુપ્રીમ કોર્ટમાં કોલકાતા મહિલા ડોક્ટર કેસની સુનાવણીમાં CJIની ઘોષણા, નેશનલ ટાસ્ક ફોર્સની કરાશે રચના
આ પણ વાંચોઃ કોલકાતા મહિલા ડોક્ટર કેસમાં આવતીકાલથી ત્રણ દિવસની હડતાળ
