Israel News: ઇઝરાયેલી સૈન્યએ હિઝબુલ્લાના વડા હસન નસરાલ્લાહના અનુગામી હાશેમ સફીદ્દીન (Hashem Safeddin) ના મૃત્યુની પુષ્ટિ કરી છે. હાશેમ સફીદ્દીનના મોતના 19 દિવસ બાદ ઈઝરાયેલી સેનાએ આ ખુલાસો કર્યો છે. ઇઝરાયલી સૈન્યએ જણાવ્યું હતું કે હાશેમ સફીદ્દીન હિઝબુલ્લાના ગુપ્તચર વડા હુસૈન અલી હઝીમા સાથે 4 ઓક્ટોબરે માર્યો ગયો હતો. હાશેમ સફીદ્દીન હિઝબુલ્લાહની એક્ઝિક્યુટિવ કાઉન્સિલના વડા હતા અને તેમને નસરાલ્લાહના અનુગામી ગણવામાં આવતા હતા.
4 ઓક્ટોબરે, ઇઝરાયેલી સેનાએ લેબનોનના દહિયામાં સ્થિત હિઝબુલ્લાહના ભૂગર્ભ ગુપ્તચર મુખ્યાલય પર હુમલો કર્યો. તે સમયે હેડક્વાર્ટરમાં હાશેમ સફીદીન સહિત કુલ 25 લોકો હાજર હતા. જો કે, હિઝબુલ્લાએ હજુ સુધી મૃત્યુની પુષ્ટિ કરી નથી. અત્રે એ ઉલ્લેખ કરવો જરૂરી છે કે હાશેમ સફીદ્દીન નસરાલ્લાહનો પિતરાઈ ભાઈ હતો.
કોણ હતો હાશેમ સફીદ્દીન?
27 સપ્ટેમ્બરે ઈઝરાયેલે હવાઈ હુમલામાં હિઝબુલ્લાના ચીફ હસન નસરાલ્લાહને મારી નાખ્યો હતો. ત્યારથી, હાશેમ સફીદ્દીન, તેના ડેપ્યુટી જનરલ સેક્રેટરી નઈમ કાસિમ સાથે, ઇઝરાયેલ સામે મોરચો ખોલી રહ્યો હતો.
હાશેમ સફીદ્દીન હિઝબુલ્લાહની જેહાદ કાઉન્સિલનો ભાગ હતો. આ કાઉન્સિલ લશ્કરી કામગીરી માટે જવાબદાર છે. સફીદ્દીનનું મૃત્યુ હિઝબુલ્લાહ માટે મોટો ફટકો છે. ઈઝરાયેલ પહેલા જ ઉગ્રવાદી જૂથના ઘણા કમાન્ડરોને મારી ચૂક્યું છે.
હાશેમ સફીદ્દીન ઇઝરાયેલમાં હસન નસરાલ્લાહ જેટલા પ્રખ્યાત ન હતા. જોકે તે લાંબા સમયથી ઈઝરાયેલના રડાર પર હતો. સફીઉદ્દીન છેલ્લા એક વર્ષથી ઈઝરાયેલ વિરુદ્ધ ભાષણ આપી રહ્યો હતો. અંતિમ સંસ્કાર અને અન્ય કાર્યક્રમોમાં પણ સક્રિય ભાગ લીધો હતો. તેણે હમાસને ખુલ્લેઆમ સમર્થન આપ્યું હતું.
નસરાલ્લાહની જેમ, સફીદ્દીન પણ કાળી પાઘડી પહેરતા હતા. આ પાઘડી પયગંબર મોહમ્મદના વંશજ હોવાનું પ્રતીક છે. તેનો જન્મ લેબનોનના દક્ષિણમાં શિયા પ્રભુત્વ ધરાવતા વિસ્તારમાં થયો હતો. 1990ના દાયકામાં લેબનોન પરત ફરતા પહેલા સફીદ્દીન ઈરાનના ક્યુમમાં મદરેસામાં ભણ્યા હતા.
હાશેમ સફીદ્દીનના પુત્ર રીદાના લગ્ન ઈરાની જનરલ કાસિમ સુલેમાનીની પુત્રી સાથે થયા છે. કાસિમ સુલેમાની ઈરાનના રિવોલ્યુશનરી ગાર્ડ્સના કુદ્સ ફોર્સના વડા હતા. 2020 માં, સુલેમાની ઇરાકની રાજધાની બગદાદમાં યુએસ ડ્રોન હુમલામાં માર્યા ગયા હતા.
હાશેમ સફીદ્દીનનો ભાઈ અબ્દુલ્લા ઈરાનની રાજધાની તેહરાનમાં હિઝબુલ્લાહના પ્રતિનિધિ તરીકે તૈનાત છે. અમેરિકાએ 2017માં હાશેમ સફીદીનને આતંકવાદી જાહેર કર્યો હતો.
આ પણ વાંચો: અકસ્માતે મહિલાનું જીવન બદલ્યું, જીવ બચાવવા કર્યું ઓપરેશન, છતાં પણ સ્થિતિ….
આ પણ વાંચો: ઇટાલીમાં પ્લેનની પાંખમાં વિસ્ફોટ થતાં લાગી ભીષણ આગ, 184 મુસાફરોની ચીસો
આ પણ વાંચો: અડધી સદીના વિવાદનો અંત, બ્રિટન મોરેશિયસને ‘ચાગોસ’ ટાપુ પરત કરશે, હિંદ મહાસાગરમાં સ્થાન કેમ મહત્વનું છે?
