World News : ઇઝરાયેલની સેનાએ લેબનોનના પૂર્વ ભાગમાં સ્થિત બાલબેક શહેરના લોકોને બુધવારે સવારે વિસ્તાર ખાલી કરવા કહ્યું અને રાત્રે તેના પર બોમ્બમારો શરૂ કર્યો. હવાઈ ​​હુમલામાં જાનમાલના નુકસાનની માહિતી હજુ સુધી ઉપલબ્ધ નથી. બાલબેક એ એક શહેર છે જેમાં રોમન સામ્રાજ્યના ત્રણ હજાર વર્ષ જૂના અવશેષો છે.

લેબનોનમાં ઇઝરાયેલની સેનાએ 2,790 લોકોની હત્યા કરી છે

સંયુક્ત રાષ્ટ્રની સંસ્થા યુનેસ્કોએ તેને 1984માં વર્લ્ડ હેરિટેજ એરિયા જાહેર કર્યો હતો. ઇઝરાયેલે મંગળવાર-બુધવારની રાત્રે લેબનોનની બેકા વેલીમાં પણ અનેક હવાઈ હુમલા કર્યા હતા. આ હુમલાઓમાં ખીણમાં આવેલા શહેરોમાં 60થી વધુ લોકો માર્યા ગયા હતા અને ડઝનબંધ લોકો ઘાયલ થયા હતા. 8 ઓક્ટોબર, 2023 થી હિઝબુલ્લાહ સાથે ચાલી રહેલી લડાઈમાં ઇઝરાયેલી સેનાએ લેબનોનમાં 2,790 લોકોને માર્યા છે.

હિઝબુલ્લાહના નવા ચીફ નઈમ કાસિમે કહ્યું છે કે જો ઈઝરાયેલ હુમલા રોકવા માટે તૈયાર હશે તો અમે તેના પ્રસ્તાવ પર વિચાર કરીશું અને અમારા જવાબી હુમલાઓને રોકીશું. કાસિમે આ વાત હિઝબુલ્લાના ચીફ બન્યા બાદ પોતાના પહેલા પ્રી-રેકોર્ડેડ મેસેજમાં કહી હતી. બુધવારે ગાઝામાં ઈઝરાયેલના હુમલામાં 20 લોકો માર્યા ગયા છે. જ્યારે મંગળવારે બીત લહિયામાં ગુમ થયેલા 93 લોકો હજુ સુધી મળ્યા નથી.

ઈઝરાયલી સૈન્ય ટેન્ક સાથે ગાઝામાં ઘૂસી ગયું

એવી આશંકા છે કે આ લોકો ઈઝરાયેલના હુમલામાં માર્યા ગયા છે અને તેમના મૃતદેહો કાટમાળ નીચે દટાઈ ગયા છે. ઈઝરાયેલની સેના છેલ્લા ત્રણ અઠવાડિયાથી આ વિસ્તારમાં ટેન્ક હુમલા કરી રહી છે. અમેરિકાએ ગાઝા સહિત તમામ પેલેસ્ટાઈન વિસ્તારોમાં સંયુક્ત રાષ્ટ્ર શરણાર્થી રાહત એજન્સીના કામ પર પ્રતિબંધ લગાવવાના ઈઝરાયેલના પગલાને ખૂબ જ મુશ્કેલ નિર્ણય ગણાવ્યો છે.

હુમલાનું પરિણામ ઈઝરાયેલને ભોગવવું પડશે- ઈરાન

વધુમાં કહ્યું કે, આનાથી લાખો પેલેસ્ટિનિયનોના જીવ જોખમમાં મુકાયા છે. જ્યારે સંયુક્ત રાષ્ટ્રએ કહ્યું છે કે એજન્સીનું કામકાજ રોકવાના ઈઝરાયેલના નિર્ણયથી યુદ્ધ દરમિયાન ગાઝાની લાઈફલાઈન બંધ થઈ ગઈ છે. યુએનના મહાસચિવ એન્ટોનિયો ગુટેરેસે કહ્યું છે કે ઈઝરાયેલનો નિર્ણય ગાઝા, પશ્ચિમ કાંઠા અને પૂર્વ જેરુસલેમના શરણાર્થીઓ માટે આફત સાબિત થઈ શકે છે.દરમિયાન ઈરાને કહ્યું છે કે 26 ઓક્ટોબરના ઈઝરાયેલના હુમલાથી તેના મિસાઈલ ઉત્પાદનમાં કોઈ વિક્ષેપ પડ્યો નથી અને તે હંમેશની જેમ ચાલુ છે. પરંતુ હુમલાનું પરિણામ ઇઝરાયેલને ભોગવવું પડશે.

આ પણ વાંચો:કાર સ્ટ્રોની જેમ વહી ગઈ, દિવાલો પડી ગઈ, 51 લોકોના મોત; વીડિયોમાં જુઓ સ્પેનમાં પૂરે કેવી તબાહી મચાવી?

આ પણ વાંચો:આ  શું ! વિશ્વના સૌથી મોટા રણમાં પૂર, ‘સહારા’ની રેતીમાં બનેલું તળાવ; નાસાએ શેર કરી તસવીર  

આ પણ વાંચો:પૃથ્વીનું પ્રલય તરફ પ્રયાણ, આબોહવા પરિવર્તનનું સંકટ, વાવાઝોડાં, પૂર અને મૂશળધાર વરસાદનું જોખમ