World News : ઈરાન(Iran) સરકારનો ફરી એકવાર ક્રૂર ચહેરો સામે આવ્યો છે. ઈરાને(Iran) રવિવારે 11 કેદીઓને ફાંસી આપી હતી અને ગયા અઠવાડિયે 1 રાજકીય કેદીને અન્ય કેદીઓથી અલગ સેલમાં મોકલવામાં આવ્યો હતો. એક જ દિવસમાં 11 કેદીઓને ફાંસી આપ્યા બાદ માનવાધિકાર સંગઠનોએ ઈરાન(Iran) સરકાર પર સવાલો ઉઠાવ્યા છે.
નોર્વે(Norway)ના હંગાવ અને ઈરાન(Iran)ના હલવાશ જૂથે રવિવારે જણાવ્યું હતું કે, ફાંસીની સજા પામેલા કેદીઓમાંથી 7 ને મધ્ય ઈરાનની યઝદ સેન્ટ્રલ જેલ(Yazad Central Jail)માં અને 4 ને દક્ષિણપૂર્વમાં ઝાહેદાન સેન્ટ્રલ જેલ(Zahedan Central Jail)માં ફાંસી આપવામાં આવી હતી. તમને જણાવી દઈએ કે જે કેદીઓને ફાંસી આપવામાં આવશે તેઓ હત્યા અને ડ્રગ સંબંધિત ગુનાના આરોપી હતા.
માનવાધિકાર જૂથોએ અહેવાલ આપ્યો છે કે આ અઠવાડિયે બુધવાર અને રવિવારની વચ્ચે ઈરાનની જેલોમાં ઓછામાં ઓછા 34 કેદીઓને ફાંસી આપવામાં આવી છે. શનિવારે એક રાજકીય કેદી, સામન મોહમ્મદી-ખિયારેહને કરજની ઘેલ હેસર જેલમાં એકાંત સેલમાં મોકલવામાં આવ્યો હતો. આ પગલું સૂચવે છે કે તેને ટૂંક સમયમાં ફાંસી આપવામાં આવશે. ઈરાન ઈન્ટરનેશનલ(Iran International)ના સમાચાર મુજબ તેમના પરિવારને છેલ્લી મુલાકાત માટે બોલાવવામાં આવ્યા છે. મોહમ્મદી-ખિયારેહની 19 વર્ષની ઉંમરે ‘શાસન વિરોધી જૂથોના સભ્યપદ’ દ્વારા ‘ભગવાન સામે યુદ્ધ’ કરવાના આરોપમાં ધરપકડ કરવામાં આવી હતી અને તેને દોષિત ઠેરવીને મૃત્યુદંડની સજા આપવામાં આવી હતી.
એમ્નેસ્ટી ઈન્ટરનેશનલના રિપોર્ટ અનુસાર, દુનિયાના 55 દેશોમાં મૃત્યુદંડની જોગવાઈ છે. 2022ના આંકડા અનુસાર ચીને(China) સૌથી વધુ મોતની સજા આપી છે, ત્યારબાદ ઈરાન(Iran), સાઉદી અરેબિયા(Suadi Arabia), ઈજીપ્ત(Egypt) અને અમેરિકા(America) છે. સાઉદી ઈરાન જેવા દેશોમાં માત્ર ફાંસી જ નહીં પરંતુ જાહેરમાં ફાંસી આપવાની પણ જોગવાઈ છે. ઘણા માનવાધિકાર જૂથો ફાંસીની સજાના કાયદાનો વિરોધ કરી રહ્યા છે. દેશોને ફાંસીની સજા નાબૂદ કરવાની માંગ કરી રહ્યા છે.
આ પણ વાંચો: 27 વર્ષીય ઈરાની ગાયિકાને હિજાબ પહેર્યા વિના વર્ચ્યુઅલ કોન્સર્ટમાં પરફોર્મ કર્યા બાદ કરાઈ ધરપકડ
આ પણ વાંચો: ડોનાલ્ડ ટ્રમ્પ : “કંઈપણ થઈ શકે છે”, ઈરાન સાથે યુદ્ધની શક્યતાઓ પર
આ પણ વાંચો: ઈરાન ઈઝરાયેલ પર મોટા હુમલાની તૈયારી કરી રહ્યું છે; હિઝબુલ્લાહ હુમલામાં સાત ઇઝરાયેલી નાગરિકો માર્યા ગયા
