ICC ચેમ્પિયન્સ ટ્રોફીને લઈને ફરી વિવાદ છેડાયો, PCBએ BCCIની ઓફર ફગાવી

ICC Champions Trophy 2025: પાકિસ્તાનમાં આયોજિત થનારી ICC ચેમ્પિયન્સ ટ્રોફીને લઈને ચાલી રહેલો વિવાદ હજુ પૂરો થતો જણાતો નથી. ટીમ ઈન્ડિયાએ આ ટૂર્નામેન્ટ માટે પાકિસ્તાન જવાનો ઈન્કાર કરી દીધો હતો. BCCIએ પાડોશી દેશને ચેમ્પિયન્સ ટ્રોફી 2025 માટે પાકિસ્તાન જવાનો ઇનકાર કરવા બદલ વળતરની ઓફર કરી હતી. જેને હવે પાકિસ્તાન ક્રિકેટ બોર્ડે ફગાવી દીધી છે.

2 MONTHS TO GO FOR CHAMPIONS TROPHY:

– ICC yet to annnouce the schedule of the Tournament.

– ICC yet to confirm which country will host India’s matches. pic.twitter.com/kudJ2ZOSjr

— Mufaddal Vohra (@mufaddal_vohra) December 19, 2024

PCB માટે રાષ્ટ્રીય સન્માન જરૂરી છે

ધ એક્સપ્રેસ ટ્રિબ્યુન અનુસાર, બીસીસીઆઈએ ચેમ્પિયન્સ ટ્રોફી 2025 માટે પાકિસ્તાન જવાનો ભારતનો ઇનકાર કરવા બદલ પીસીબીને વળતર તરીકે પૈસાની ઓફર કરી હતી. જો કે, પાકિસ્તાને આ ઓફરને નકારી કાઢી અને પૈસા કરતાં રાષ્ટ્રીય સન્માન જાળવવાનું પસંદ કર્યું. ભારતના પ્રસ્તાવને સ્વીકારવાને બદલે, પાકિસ્તાન ક્રિકેટે એક મોડેલનો પ્રસ્તાવ મૂક્યો, જેના હેઠળ બંને દેશો આગામી 3 વર્ષમાં ICC ટૂર્નામેન્ટ માટે તેમની ટીમોને એકબીજાના દેશોમાં નહીં મોકલે.

76th Board of Governors Meeting held today in Islamabad. Discussions regarding preparations of ICC Champions Trophy underwent as they visited up-gradation process footages of the set venues via videos.

Chairman PCB Mohsin Naqvi: “PCB is fully ready for Champions Trophy 2025.” pic.twitter.com/zvo3srlCnG

— Ameer Hamza Asif (@AmeerHamzaAsif) December 19, 2024

હાઇબ્રિડ મંજૂર

ICCએ ચેમ્પિયન્સ ટ્રોફી 2025 માટે હાઇબ્રિડ મોડલને મંજૂરી આપી છે, જેમાં પાકિસ્તાન અને દુબઈ બે સ્થળો હશે. બીસીસીઆઈ અને પીસીબી બંને સૂચન સાથે સંમત થયા બાદ આ નિર્ણય લેવામાં આવ્યો હતો. જો ભારતીય ટીમ આ ટૂર્નામેન્ટની ફાઈનલમાં પહોંચશે તો ટૂર્નામેન્ટની ફાઈનલ મેચ દુબઈમાં રમાશે.

આ સિવાય જો ટીમ ઈન્ડિયા સેમીફાઈનલમાં પ્રવેશ કરશે તો સેમીફાઈનલ પણ દુબઈમાં રમાશે. આનો અર્થ એ થશે કે જો ભારત બીજી સેમિફાઇનલ માટે ક્વોલિફાય થશે તો માત્ર એક સેમિફાઇનલ પાકિસ્તાનમાં જ થશે અને ફાઇનલ પાકિસ્તાનની બહાર જોવા મળશે.