Ahmedabad News: વિશ્વભરમાં તેના ઉત્તમ સંગીત અને ગીતો માટે પ્રખ્યાત કોલ્ડપ્લે (Cold Play) ભારત (India)માં તેનો કોન્સર્ટ (Concert) કરવા જઈ રહ્યું છે. તેની ટિકિટો લેવા માટે પણ પડાપડી થઈ રહી છે. આ સાથે જ ટિકિટમાં બ્લેક માર્કેટિંગ અને છેતરપિંડીના અહેવાલો પણ સામે આવી રહ્યા છે. પણ જે લોકો ઘરે બેસીને કોન્સર્ટ જોવા માંગે છે, તેમના માટે સારા સમાચાર છે. કોલ્ડપ્લે ડિઝની પ્લસ હોટસ્ટાર (Disney Plus Hotstar) પર પ્રસારિત થશે. ડિઝની પ્લસ હોટસ્ટાર તેમના આઇકોનિક ‘મ્યુઝિક ઓફ ધ સ્પિયર્સ વર્લ્ડ ટૂર કોન્સર્ટ’ને સમગ્ર ભારતમાં પ્રેક્ષકો સુધી લાઇવ લાવવા માટે કોલ્ડપ્લે સાથે સહયોગ કરશે.
કોલ્ડપ્લેના મુખ્ય ગાયક ક્રિસ માર્ટિને (Chris Martin) ભારતમાં શો કરવા અંગે પોતાનો ઉત્સાહ વ્યક્ત કર્યો હતો. તેણે કહ્યું, “અમને એ જણાવતા આનંદ થાય છે કે 26 જાન્યુઆરીએ અમદાવાદથી અમારો શો ડિઝની પ્લસ હોટસ્ટાર પર લાઇવ સ્ટ્રીમિંગ થશે, જેથી તમે તેને ભારતમાં ગમે ત્યાંથી જોઈ શકો અમે તમને અમારા સુંદર દેશની મુલાકાત લેવા માટે ખૂબ જ ઉત્સાહિત છીએ!” 26 જાન્યુઆરી, 2025 ના રોજ સ્ટ્રીમ કોલ્ડપ્લે કોન્સર્ટ ફક્ત ડિઝની પ્લસ હોટસ્ટાર પર લાઇવ થશે. હોટસ્ટારનો દાવો છે કે તેનું લાઈવ ટેલિકાસ્ટ સારી ગુણવત્તામાં કરવામાં આવશે, જેથી લોકો કોન્સર્ટનો આનંદ લઈ શકે.
કોન્સર્ટમાં આ નિયમોનું પાલન કરવાનું રહેશે
‘મ્યુઝિક ઑફ ધ સ્પિયર્સ વર્લ્ડ ટૂર’ દરમિયાન, બ્રિટિશ બેન્ડે 18, 19 અને 21 જાન્યુઆરીએ થાણે જિલ્લાના નવી મુંબઈ વિસ્તારમાં સ્થિત ડીવાય પાટિલ સ્ટેડિયમમાં ત્રણ શોનું આયોજન કર્યું છે. ચંદીગઢના રહેવાસી દ્વારા ઈવેન્ટ દરમિયાન બાળકોની સુરક્ષા અંગે ચિંતા વ્યક્ત કરવામાં આવેલી ફરિયાદ બાદ 14 જાન્યુઆરીએ થાણે જિલ્લા સત્તાવાળાઓએ કોન્સર્ટના આયોજકો, કોલ્ડપ્લે ફ્રન્ટમેન ક્રિસ માર્ટિન અને ઈવેન્ટના ટિકિટિંગ પાર્ટનર બુકમાયશોને નોટિસ જારી કરી હતી. નોટિસ બાદ ચેતવણી આપવામાં આવી હતી કે આવા શોમાં અવાજનું સ્તર 120 ડેસિબલથી વધુ ન હોવું જોઈએ. નિયમોનું પાલન નહીં થાય તો કડક કાર્યવાહી કરવામાં આવશે.
આ પણ વાંચો:અવાજને નિયંત્રણ રાખવા સહિતના આદેશ સાથે કોલ્ડપ્લે કોન્સર્ટના આયોજકોને નોટિસ
આ પણ વાંચો:અમદાવાદમાં કોલ્ડ પ્લે કોન્સર્ટમાં વાહન પાર્ક કરવા નહીં મળે જગ્યા
આ પણ વાંચો:કોલ્ડ પ્લે કોન્સર્ટને લઈને હોટેલના રૂમો જ નહીં હવાઈ ભાડાં પણ વધ્યાં
