Sports News : ગુજરાત જાયન્ટ્સની કેપ્ટન એશ્લે ગાર્ડનરે શુક્રવારે પોતાના પાવર-હિટિંગના ઝળહળતા પ્રદર્શનથી કોટંબી સ્ટેડિયમને રોશન કર્યું. તેણીએ મહિલા પ્રીમિયર લીગ (WPL) 2025 ની શરૂઆતની મેચમાં રોયલ ચેલેન્જર્સ બેંગ્લોર (RCB) ના બોલરોને હરાવવા માટે છગ્ગાની હેટ્રિક ફટકારી. પોતાની ઇનિંગ દરમિયાન, ગાર્ડનરે માત્ર 25 બોલમાં 200 ના પ્રભાવશાળી સ્ટ્રાઇક રેટથી ફિફ્ટી ફટકારી. તેણે માત્ર 37 બોલમાં 79 રનની ઇનિંગ રમી, જેમાં ત્રણ ચોગ્ગા અને આઠ છગ્ગાનો સમાવેશ થાય છે.
અહીં ગાર્ડનરે ખાસ કરીને પ્રેમા રાવતને નિશાન બનાવ્યા અને તેમની ઓવરમાં 3 છગ્ગા ફટકાર્યા. ગુજરાતની ઇનિંગની 13મી ઓવર ફેંકવા આવેલા પ્રેમાને ત્રીજા બોલ પર ગાર્ડનર દ્વારા લોંગ-ઓફ બાઉન્ડ્રી પર જોરદાર સિક્સર ફટકારવામાં આવી. બીજા બોલે તેણે મિડવિકેટ ઉપર બીજો શાનદાર શોટ માર્યો અને પછી સ્ક્વેર-લેગ વાડ ઉપર શક્તિશાળી પુલ શોટ વડે છગ્ગાની હેટ્રિક પૂર્ણ કરી. તેની ઇનિંગે RCBના ચાહકોને પણ આશ્ચર્યચકિત કરી દીધા હતા જેઓ તેમની ટીમને ટેકો આપવા આવ્યા હતા.
6️⃣6️⃣6️⃣ 🚀#GG captain Ashleigh Gardner flexing her muscles with a hat-trick of sixes 💪💥
She also brings up her FIFTY off just 25 deliveries.
Live 👉 https://t.co/jjI6oXJcBI #TATAWPL | #GGvRCB pic.twitter.com/1bRXNJ3Bep
— Women's Premier League (WPL) (@wplt20) February 14, 2025
RCB એ ટોસ જીતીને બોલિંગ પસંદ કરી
મહિલા પ્રીમિયર લીગની શરૂઆતની મેચમાં, RCB કેપ્ટન સ્મૃતિ મંધાનાએ ટોસ જીતીને પ્રથમ બોલિંગ કરવાનો નિર્ણય લીધો. ટોસ હાર્યા બાદ પ્રથમ બેટિંગ કરતા ગુજરાતની શરૂઆત ખરાબ રહી કારણ કે તેઓએ લૌરા વોલ્વાર્ડ અને દયાલન હેમલાથાને સસ્તામાં ગુમાવી દીધા. પરંતુ આ પછી, ટીમની ઓપનિંગ બેટ્સમેન બેથ મૂનીએ બાજી સંભાળી અને માત્ર 42 બોલમાં 56 રનની ઇનિંગ રમી.
રેણુકા સિંહે સૌથી વધુ વિકેટ લીધી
તેમની અને ગાર્ડનરની ઇનિંગ્સના આધારે ગુજરાતની ટીમ 201 રનનો પહાડ જેવો સ્કોર બનાવવામાં સફળ રહી. આ બે સિવાય, છેલ્લી ઓવરોમાં, ડિઆન્ડ્રા ડોટિને માત્ર 13 બોલમાં 25 રનની તોફાની ઇનિંગ રમી અને ટીમનો સ્કોર 200 થી વધુ લઈ ગયો. RCB તરફથી રેણુકા સિંહે બે વિકેટ લીધી, જ્યારે કનિકા આહુજા, જ્યોર્જિયા વર્હમ અને પ્રેમાએ એક-એક વિકેટ લીધી હતી.
આ પણ વાંચો: ભારતે ICC મહિલા અન્ડર-19 T20 વર્લ્ડ કપનો ખિતાબ જીત્યો
આ પણ વાંચો: સૂર્યકુમારની આગેવાનીમાં ભારતીય ટીમે ઇંગ્લેન્ડને ટી-20 શ્રેણીમાં 4-1થી હરાવ્યું
આ પણ વાંચો: USA ની ટીમે આણંદમાં પરસેવો પાડ્યો: USA ક્રિકેટ ટીમનો મુળ ગુજરાતી કેપ્ટન મોનાંક પટેલ
