Bhavnagar News : ભાવનગરમાં રાસાયણિક ખાતરના ગેરકાયદે ઉત્પાદન મામલે ફરિયાદ નોંધાઈ છે. જેમાં નાયબ ખેતી નિયામકે ત્રણ એકમો વિરુદ્ધ ફરિયાદ નોંધાવી છે. નાયબ ખેતી નિયામકે ભાવનગરના 2 અને પુણેના 1 એકમ વિરુદ્ધ પોલીસ ફરિયાદ નોંધાવી છે. આ ત્રણેય એકમો રાસાયણિક ખાતરનું ગેરકાયદે ઉત્પાદન કરતા હોવાનું ધ્યાનમાં આવ્યું હતું.
જેને પગલે ભાવનગર GIDCમાં આવેલ ડી-3 એન્ટરપ્રાઇઝ વિરુદ્ધ ફરિયાદ નોંધાવવામાં આવી છે. જેમાં નવાગામ-વરતેજ GIDCમાં આવેલ પૃથ્વી ખેતીવાડી કેન્દ્ર સામે ફરિયાદ નોંધાવવામાં આવી છે.
ઉપરાંત પુણેની રમા ફર્ટી HLT નામની કંપની સામે નોંધાવી વિધિવત ફરિયાદ દાખલ થઈ છે. તપાસમાં રાજ્ય કે કેન્દ્ર સરકારની મંજૂરી વગર ત્રણેય એકમો ઉત્પાદન કરતા હોવાનું બહાર આવ્યું હતું.
આ પણ વાંચો: પોપ્યુલર બિલ્ડરના રમણ પટેલ ત્રણ વર્ષ પછી જામીન પર છૂટશે, પણ ગુજરાતમાં નહીં રહી શકે
