Vadodara News:વડોદરામાં મહિસાગર નદી પરનો 45 વર્ષ જૂનો ગંભીરા પુલ ગઈકાલે તૂટી પડ્યો હતો. આ અકસ્માતમાં પુલ પરથી પસાર થતા પાંચથી વધુ વાહનો મહિસાગર નદીમાં પડી ગયા હતા. આ અકસ્માતમાં મૃત્યુઆંક અત્યાર સુધીમાં 14 પર પહોંચી ગયો છે. ચાર લોકો હજુ પણ ગુમ છે.
આજે સવારે શોધખોળ દરમિયાન એક મૃતદેહ મળી આવ્યો હતો. આ અકસ્માતમાં બામણગામના રહેવાસી મોહન ચાવડાનું મૃત્યુ થયું હોવાનું જાણવા મળ્યું છે. નદીમાં પાણી વધવાને કારણે બચાવ કામગીરી બંધ કરવામાં આવી હતી અને ગઈકાલે મહિસાગર નદીમાં પાણીનો પ્રવાહ વધી ગયો હતો.
મુજપુરમાં પુલ તૂટી પડવાની ઘટનામાં કલાકોથી બચાવ કામગીરી ચાલી રહી છે. માટી અને સિરામિક ટાઇલ્સ ભરેલી ટ્રકને ખસેડીને ત્યાં શોધખોળ હાથ ધરવામાં આવી રહી છે. કલેક્ટર સહિતના અધિકારીઓ સવારથી જ ઘટનાસ્થળે હાજર છે અને બચાવ કામગીરી પર સતત નજર રાખી રહ્યા છે. આ કામગીરી મોડી રાત્રે ફ્લડલાઇટ ચાલુ કરીને હાથ ધરવામાં આવી હતી.તેમજ ટ્રકને ખેંચવા વાયરો લવાયા હતા. ટ્રક હિટાચી મશીન સાથે બંધાયેલી હતી અને ત્રણ લોકોના મૃતદેહ બહાર કાઢવામાં આવ્યા હતા.
આજે સવારથી NDRF સહિત બચાવ ટીમો શોધખોળ કામગીરી ચલાવી રહી છે. આ શોધખોળ કામગીરી દરમિયાન, બીજો મૃતદેહ મળી આવ્યો હતો, જેને પાદરા સામુદાયિક આરોગ્ય કેન્દ્રમાં મોકલવામાં આવ્યો હતો. તે જ સમયે, માર્ગ અને મકાન બાંધકામ વિભાગના વરિષ્ઠ અધિકારીઓની એક ટીમ ઉચ્ચ સ્તરીય તપાસ માટે પહોંચી ગઈ છે. મહેસૂલ અને પોલીસ ટીમો રાતોરાત અહીં પડાવ નાખ્યો હતો.
આજની કામગીરી દરમિયાન, ડૂબી ગયેલા વ્યક્તિઓ અને વાહનોની શોધ ઉપરાંત, કેમિકલ ટેન્કરને કોઈ નુકસાન ન થાય તેની ખાતરી કરવાને પ્રાથમિકતા આપવામાં આવી રહી છે. ગુજરાત પ્રદૂષણ નિયંત્રણ બોર્ડના અધિકારીઓએ આજે સવારે સ્થળની મુલાકાત લીધી હતી. જરૂર પડ્યે તૂટી પડેલા ભાગને તોડી પાડવાની કાર્યવાહી કરવા કલેક્ટરે સૂચના આપી છે.
વડોદરાના મુજપુર ગામના એક જ પરિવારના ત્રણ સભ્યોના આ અકસ્માતમાં મૃત્યુ થયા છે. પિતા, પુત્ર અને પુત્રી એકસાથે અંતિમ યાત્રાએ નીકળતાં ગામમાં શોક છવાઈ ગયો હતો. પિતા રમેશભાઈ, પુત્ર નાયક અને પુત્રી બગદાણા બાધા પૂર્ણ કરવા જઈ રહ્યા હતા અને રસ્તામાં જ તેમનું મૃત્યુ થયું. મોટી સંખ્યામાં લોકો તેમની અંતિમ યાત્રામાં જોડાયા હતા.
આ પણ વાંચો:વડોદરાના ગંભીરા બ્રિજ દુર્ઘટનામાં સોનલબેનનો ચમત્કારી બચાવ
આ પણ વાંચો:પુલની સ્થિતિ અંગે ગુજરાત સરકારે હાઈકોર્ટને ગેરમાર્ગે દોર્યું, જાણો ચીફ જસ્ટિસે શું કહ્યું
આ પણ વાંચો:કોઈપણ બ્રિજનું આયુષ્ય કેટયું હોય છે? વડોદરા બ્રિજ તૂટી પડવાની ઘટના બાદ ઉદ્ભવેલો ગંભીર પ્રશ્ન
