બેંગલુરુ પોલીસે ત્રણ યુવકો અને એક યુવતી સહિત ચોરોની એક ગેંગની ધરપકડ કરી છે. આ ગેંગે ડોડબલ્લાપુરમાં એક બંધ ઘરમાંથી ₹8 લાખના દાગીના અને કિંમતી વસ્તુઓની ચોરી કરી હતી. આરોપીઓમાંથી એક જીમ ટ્રેનર છે. તેઓ રેલ્વે ટ્રેક નજીકના ઘરોને નિશાન બનાવતા હતા અને ચોરી કર્યા પછી ટ્રેન દ્વારા ભાગી જતા હતા.
કેવી રીતે કરતા હતા ચોરી?
ગેંગના ત્રણ યુવાનો રાત્રે રેલ્વે ટ્રેક નજીકના વિસ્તારોમાં ખાલી ઘરોને નિશાન બનાવતા હતા. તે સ્ટેશન પર ટ્રેનમાંથી ઉતરતા, પોતાનો મોબાઈલ ફોન બંધ કરતા અને એક કિલોમીટર ચાલતા. તેઓ પોતાના ચપ્પલ ત્યાં જ છોડીને બંધ ઘરો શોધતા.
તેઓ 10 મિનિટમાં તાળું તોડીને ઘરેણાં અને અન્ય વસ્તુઓ ચોરી લેતા, પાટા પર પાછા ફરતા, બીજી ટ્રેન પકડીને ભાગી જતા. આ દરમિયાન, તેમની સાથી, સૌભાગ્ય, જેને લતા તરીકે પણ ઓળખવામાં આવે છે, તેણી ચોરાયેલી વસ્તુઓ વેચવામાં, ઘર ભાડે લેવામાં અને જામીન માટે વકીલની વ્યવસ્થા કરવામાં મદદ કરતી હતી.
પોલીસે ચોરાયેલો બધો સામાન કર્યો જપ્ત
16 સપ્ટેમ્બરની રાત્રે, આરોપીઓએ એક નવપરિણીત યુગલના ઘરેથી સોના-ચાંદીના દાગીના અને એરપોડ્સની ચોરી કરી હતી. બીજા દિવસે રાત્રે, પોલીસ ઇન્સ્પેક્ટર સાદિક પાશાની ટીમે કુડલુ વિસ્તારમાં તેમના ભાડાના ફ્લેટમાંથી તેમની ધરપકડ કરી હતી. પોલીસે ચોરાયેલો બધો સામાન જપ્ત કર્યો હતો.
ગેંગ લીડર હત્યા અને ચોરીના કેસોમાં આરોપ
ગેંગ લીડર પુરુષોત્તમ પર અગાઉ હત્યા અને ચોરીના કેસોમાં આરોપી રહી ચુક્યો છે. સાથી આરોપી દર્શન બીબીએ ડ્રોપઆઉટ છે અને 10 કેસોમાં આરોપી છે. ત્રીજો સાથી, ચંદ્રુ, ગેરેજમાં કામ કરે છે અને તેણે શાળા છોડી દીધી છે.
જીમ ટ્રેનર દ્વારા ખોટા આરોપો
ધરપકડ બાદ, સૌભાગ્યને આશ્રય ગૃહમાં મોકલવામાં આવી હતી, પરંતુ તે ત્યાંથી ભાગી નિકળી હતી. બાદમાં તેણીએ પોલીસ અધિકારીઓ પર જાતીય શોષણ અને તેના દાગીના જપ્ત કરવાનો ખોટો આરોપ લગાવ્યો. તપાસમાં તેના આરોપો ખોટા સાબિત થયા.
______________________________________________________________________________________________________
આ પણ વાંચો:દિલ્હી-NCRમાં ભારે વરસાદની ચેતવણી, IMDએ યલો એલર્ટ જારી કર્યું
આ પણ વાંચો:વરસાદ વચ્ચે વડોદરાના શેરી ગરબા સદાબહાર, પરંપરાગત ભક્તિભાવથી ઉજવાઈ આઠમની રાત…
આ પણ વાંચો:દિલ્હી NCRમાં ભીષણ ગરમીથી ઝઝૂમી રહેલા લોકોને મળી રાહત, ઘણા વિસ્તારોમાં હળવો વરસાદ પડ્યો
