Usa News : અમેરિકાએ ગર્ભવતી ભારતીય મહિલાઓને ટુરિસ્ટ વિઝા આપવાના નિયમોમાં કડકાઈ કરી છે. ભારતમાં સ્થિત યુએસ એમ્બેસીએ જણાવ્યું છે કે જો કોઈ મહિલા અમેરિકામાં બાળકને જન્મ આપીને તેના માટે યુએસ નાગરિકતા મેળવવાના હેતુથી પ્રવાસ કરી રહી હોય, તો તેની વિઝા અરજી નકારી કાઢવામાં આવશે.
એમ્બેસી મુજબ, આ પ્રકારનો પ્રવાસ ‘બર્થ ટુરિઝમ’ ગણાય છે અને અમેરિકામાં તેની મંજૂરી નથી. દર વર્ષે મોટી સંખ્યામાં સગર્ભા મહિલાઓ પ્રવાસી વિઝા પર જઈને જન્મ આપતી હોય છે, જે મુદ્દે યુએસ લાંબા સમયથી કડક વલણ અપનાવી રહ્યું છે.
યુએસ એમ્બેસીએ શું કહ્યું?
એમ્બેસીએ નિવેદન જારી કરીને જણાવ્યું કે“જો કોન્સ્યુલર અધિકારીઓ માનશે કે પ્રવાસનો મુખ્ય હેતુ અમેરિકામાં બાળકને જન્મ અપાવવાનો છે, તો તેઓ ટુરિસ્ટ વિઝા મંજૂર નહીં કરે.”આ નીતિ ટ્રમ્પ વહીવટી તંત્રના સમયથી વધુ કડક રીતે અમલમાં છે.
અમેરિકામાં જન્મજાત નાગરિકતા શું છે?
યુએસ બંધારણના 14મા સુધારા મુજબ,અમેરિકાની ધરતી પર જન્મેલા દરેક બાળકને આપમેળે નાગરિકતા મળે છે,ભલે તેના માતાપિતાની ઇમિગ્રેશન સ્થિતિ ગમે તેવી હોય. આ નાગરિકતા બાળકને યુએસ પાસપોર્ટ સહિતના તમામ અધિકારો આપે છે, પરંતુ માતાપિતાને કોઈ નાગરિકતા લાભ આપતો નથી.
કયા અપવાદો છે?
અમેરિકામાં જન્મેલું બાળક નાગરિક નહીં ગણાય જો તેના માતાપિતા વિદેશી રાજદ્વારીઓ (diplomats) હોય અને તેઓ સત્તાવાર ફરજ પર યુએસમાં હાજર હોય.
આ પણ વાંચો: ઇન્ટિગ્રિટી ફી તરીકે યુએસ વિઝા માટે $250 ચૂકવવા પડશે, કુલ રકમ રૂ. 40 હજાર હશે
આ પણ વાંચો: યુએસ વિઝા માટે ક્વોલીફાય થવા માટે બનાવટી લુંટના આરોપનો સામનો
આ પણ વાંચો: યુએસ વિઝા માટે લાંબી રાહ જોવાની અવધિમાં ઘટાડો કરવા માટે, ભારતીયો માટે નવા નિયમો
