બોલિવૂડમાં કન્ટેન્ટ અને પાત્રોની પસંદગી માટે જાણીતા આમિર ખાન (Aamir Khan)ને લઈને એક મોટા સમાચાર સામે આવ્યા છે. સ્ટાર્ટઅપ વર્લ્ડના ચર્ચિત ચહેરા અને ‘ભારતપે’ના પૂર્વ કો-ફાઉન્ડર અશનીર ગ્રોવર (Ashneer Grover)ની બાયોપિકમાંથી આમિર ખાને કિનારો કરી લીધો છે. મળતી માહિતી અનુસાર, ફિલ્મ નિર્દેશક રાહુલ મોદી સાથે કેટલાક ક્રિએટિવ મતભેદો સર્જાતા આમિરે આ પ્રોજેક્ટમાંથી ખસી જવાનો નિર્ણય લીધો છે.
બીજી તરફ, આ બાયોપિકમાં અશનીર ગ્રોવરના પત્ની માધુરી જૈન ગ્રોવરનું પાત્ર શ્રદ્ધા કપૂર (ShraddhaKapoor )ભજવવાની હોવાના અહેવાલો છે. ખાસ વાત એ છે કે શ્રદ્ધા કપૂર એક મોટા સ્ટુડિયો સાથે આ ફિલ્મની સહ-નિર્માત્રી (Co-producer) પણ બની શકે છે.
રાહુલ મોદી અને શ્રદ્ધા કપૂરનો પ્રોજેક્ટ: હવે યુવાન હીરોની શોધ
આ પ્રોજેક્ટને લઈને અગાઉથી જ ચર્ચા હતી કે રાહુલ મોદી અને શ્રદ્ધા કપૂર વચ્ચે ડેટિંગ ચાલી રહ્યું છે. હવે આમિર ખાન ફિલ્મમાંથી બહાર થઈ જતાં મેકર્સ અશનીર ગ્રોવરની ભૂમિકા માટે કોઈ નાની વયના યુવાન અભિનેતાની તલાશ કરી રહ્યા છે.
આમિર ખાનનું હાલનું ફોકસ:
આમિર ખાન હાલમાં તેની ઓલ-ટાઇમ બ્લોકબસ્ટર ફિલ્મ ‘થ્રી ઈડિયટ્સ’ની સિક્વલના શૂટિંગમાં ભારે વ્યસ્ત છે. આ ફિલ્મમાં તે વર્ષો પછી ફરી એકવાર આર. માધવન અને શર્મન જોશી સાથે સ્ક્રીન શેર કરતો જોવા મળશે.
અધિકૃત સ્પષ્ટતાની રાહ:
આમિર ખાન કે ડિરેક્ટર રાહુલ મોદી તરફથી આ ફેરફાર અંગે હજુ સુધી કોઈ સત્તાવાર નિવેદન બહાર પાડવામાં આવ્યું નથી, પરંતુ સિનેમા પ્રેમીઓમાં એ જિજ્ઞાસા છે કે શ્રદ્ધા કપૂર સાથે આ ફિલ્મમાં મુખ્ય ભૂમિકામાં કોણ જોવા મળશે.
આ પણ વાંચો :અમિતાભ બચ્ચનની હેલ્થ પોસ્ટનું સસ્પેન્સ ખતમ: ICU અને સર્જરીની પોસ્ટ પર બિગ બીએ કરી સ્પષ્ટતા
આ પણ વાંચો :ઈવા ગ્રોવરનો ચોંકાવનારો ખુલાસો: આમિર ખાનના સાવકા ભાઈ પર ઘરેલું હિંસાના ગંભીર આરોપ
આ પણ વાંચો :હોસ્પિટલ, સર્જરી અને ICU… બિગ બીની પોસ્ટથી ચાહકો ચિંતિત, કહ્યું- ‘ખેલ સમાપ્ત થયો છે, પણ કામ ચાલુ છે’
