બોલીવુડ અને ટીવી ઈન્ડસ્ટ્રીમાં પોતાનું નસીબ અજમાવવા આવી ચૂકેલી નવી યુવતીઓના શોષણની વાતો ઘણીવાર સામે આવતી હોય છે. ઘણી વખત જાણીતી અભિનેત્રીઓએ પણ તેમની સાથે થયેલા ગેરવર્તન વિશે જણાવ્યું છે. તાજેતરમાં જ ટીવી એક્ટર પર્લ વી પુરી પર સગીર બાળાએ  બળાત્કારનો આરોપ લગાવ્યો છે. આ પહેલા પણ અમન વર્મા, સાઈની આહુજા જેવા કલાકારો પર બળાત્કારના આરોપ મૂકવામાં આવ્યા છે.

પર્લ વી પુરી

ટીવી એક્ટર પર્લ વી પુરી આ યાદીમાં તાજેતરનું નામ છે. પ્રખ્યાત ટીવી શો ‘નાગિન 3’ ફેમ પર્લ પર એક સગીર દ્વારા છેડતી અને બળાત્કારનો આરોપ મૂકવામાં આવ્યો છે. સગીરની ફરિયાદ પર પોલીસે અભિનેતાની ધરપકડ કરી હતી અને કોર્ટે હાલમાં તેને 14 દિવસની ન્યાયિક કસ્ટડીમાં મોકલી આપ્યો છે.

અમન વર્મા

ટીવીના પ્રખ્યાત અભિનેતા અમન વર્મા એક સમયે કાસ્ટિંગ કાઉચને લઈને હેડલાઇન્સમાં હતા. એક ન્યૂઝ ટીવીના સ્ટિંગ ઓપરેશનમાં અમનનો પર્દાફાશ થયો હતો.

શક્તિ કપૂર

બોલિવૂડના જાણીતા અભિનેતા શક્તિ કપૂર પર પણ કાસ્ટિંગ કાઉચનો આરોપ મૂકાયો છે. એક સ્ટિંગ ઓપરેશનમાં, છોકરીઓને ખોટું બોલી ફસાવીને શોષણ કરવાના આરોપ મુકાયા હતા.

રાજ કુમાર સંતોષી

પ્રખ્યાત ફિલ્મ નિર્દેશક રાજકુમાર સંતોષી પર બોલીવુડ અભિનેત્રી મમતા કુલકર્ણીએ જાતીય સતામણીનો આરોપ લગાવ્યો હતો. મમતા ‘ચાઇના ગેટ’ ફિલ્મમાં કામ કરી રહી હતી. આ ફિલ્મના નિર્દેશક સંતોષી હતા.

આદિત્ય પંચોલી 

આદિત્ય પંચોલી પર પૂજા બેદીની કામવાળી પર બળાત્કારનો આરોપ છે. આ કારણે આદિત્ય અને પૂજા વચ્ચેના સંબંધ તૂટીગયા હતા.  આ સિવાય કંગના રનૌતે પણ આદિત્ય પર જાતીય શોષણનો આરોપ લગાવ્યો છે.

સાઈની આહુજા

પ્રખ્યાત અભિનેતા સાઈની  આહુજા પર પણ તેની મેડ પર બળાત્કારનો આરોપ લગાવવામાં આવ્યો છે. આ બાબતને કારણે સાઈની  લાંબા સમય સુધી હેડલાઇન્સમાં રહ્યો હતો.  આ કેસની અસર તેની કારકિર્દી પર પણ પડી.

ઈન્દર કુમાર

અભિનેતા ઈન્દર કુમાર પર એક મહિલા દ્વારા બળાત્કારનો આરોપ મૂકવામાં આવ્યો હતો અને તેણે મુંબઈના વર્સોવા પોલીસ સ્ટેશનમાં ફરિયાદ નોંધાવી હતી. ફરિયાદ બાદ પોલીસે તેની ધરપકડ કરી હતી. ઇન્દરે ‘કહિં પ્યાર ના હો જાય’ અને ‘મા તુઝે સલામ’ જેવી ફિલ્મોમાં કામ કર્યું હતું.

OMG! / લેન્ડમાઇન્સ શોધીને હજારો લોકોનો જીવ બચાવનાર અને બ્રિટેનનું સર્વોચ્ચ સન્માન પ્રાપ્ત આ ઉંદર હવે થયો સેવા-નિવૃત્ત

વિશ્લેષણ / ભાવવધારો: સત્તાધીશો અહંકારમાં અને વિપક્ષ હતાશામાં

ચૂંટણી પ્રચાર કે એકતાનું પ્રતિક ? / સ્ટેચ્યુ ઓફ યુનિટીના પ્રાંગણમાં કોરિયન મટીરીયલથી  59.54 લાખનું ડિજિટલ કમલ ખીલશે