Ahmedabad News:એર ઇન્ડિયા પ્લેન ક્રેશ (Air India Plane Crash)ની તપાસ ચાલી રહી છે. દરમિયાન, એક ઇટાલિયન મીડિયા રિપોર્ટમાં ગંભીર દાવો કરવામાં આવ્યો છે. રિપોર્ટમાં કહેવામાં આવ્યું છે કે ભારતીય તપાસકર્તાઓ દ્વારા તૈયાર કરવામાં આવી રહેલા અંતિમ રિપોર્ટમાં પાયલોટે ઇરાદાપૂર્વક ફ્યુઅલ સ્વીચ બંધ કરવાને કારણે ક્રેશ થયું હોવાનું કહેવાય છે. ઇટાલિયન અખબાર કોરીએર ડેલા સેરાએ બુધવારે પ્રકાશિત થયેલા તેના અહેવાલમાં પશ્ચિમી ઉડ્ડયન એજન્સીઓના સૂત્રોને ટાંકીને આ દાવો કર્યો છે.
મીડિયા રિપોર્ટ કોકપીટ વોઇસ રેકોર્ડિંગ પર આધારિત છે.
મીડિયા રિપોર્ટ તપાસ રિપોર્ટ પર આધારિત છે, જેમાં જણાવાયું છે કે વિમાન (Air India Plane Crash)માં કોઈ ટેકનિકલ ખામી જોવા મળી નથી.ઉપરાંત, કોકપીટ વોઇસ રેકોર્ડિંગના આધારે, એવું માનવામાં આવે છે કે પાયલોટે પોતે ફ્યુઅલ સ્વીચ બંધ કરી હતી.જોકે, ભારતના એરક્રાફ્ટ એક્સિડેન્ટ ઇન્વેસ્ટિગેશન બ્યુરો અને નાગરિક ઉડ્ડયન મંત્રાલયે હજુ સુધી આ રિપોર્ટનો જવાબ આપ્યો નથી, કે આ દાવાની પુષ્ટિ પણ થઈ નથી.
રિપોર્ટમાં સ્પષ્ટપણે જણાવવામાં આવ્યું નથી કે કયા સંજોગોમાં પાયલોટે ઇરાદાપૂર્વક સ્વીચ બંધ કરી હતી. રિપોર્ટમાં વિમાન (Air India Plane Crash)ના કમાન્ડર સુમિત સભરવાલને મુખ્ય શંકાસ્પદ તરીકે ઓળખવામાં આવ્યા છે. પાયલોટ સુમિત સભરવાલનું પણ ક્રેશમાં મૃત્યુ થયું હતું.ઇન્ડિયન પાઇલોટ્સ એસોસિએશન અને પાઇલટ સુમિત સભરવાલના પરિવારે પહેલાથી જ આ દાવાને નકારી કાઢ્યો છે, અને કહ્યું છે કે અકસ્માતનો દોષ પાઇલટ પર ઢોળવા માટે ઇરાદાપૂર્વકનું કાવતરું ઘડવામાં આવી રહ્યું છે.
પાઇલોટ્સ એસોસિએશન અને પાઇલટ સુમિત સભરવાલના પરિવારે વિમાન (Air India Plane Crash) ઉત્પાદક, એરલાઇન અને અન્ય પરિબળોની વિગતવાર તપાસની માંગ કરી છે.ડિસેમ્બરમાં, AAIB ના ભારતીય તપાસકર્તાઓ વોશિંગ્ટન ગયા હતા, જ્યાં તેમણે વિમાનના બ્લેક બોક્સની તપાસ કરી હતી. તેમનું મુખ્ય ધ્યાન વૉઇસ રેકોર્ડિંગ પર હતું. આ રેકોર્ડિંગના આધારે, મીડિયા અહેવાલો સૂચવે છે કે એક પાયલોટે ઇરાદાપૂર્વક ફ્યુઅલ સ્વીચ બંધ કરી દીધી હતી.
અમેરિકન નિષ્ણાતો કહે છે કે બોઇંગ 787 પર બંને એન્જિન ક્યારેય એકસાથે બંધ થયા નથી, અને આ ફક્ત ઇરાદાપૂર્વક અથવા અકસ્માતમાં જ થઈ શકે છે.તપાસમાં એ પણ બહાર આવ્યું છે કે વિમાનનું ડાબું એન્જિન પહેલા બંધ થયું, ત્યારબાદ જમણું. કેપ્ટન સુમિત સભરવાલ પાઇલટની સીટની ડાબી બાજુએ બેઠા હતા, અને કેપ્ટન ક્લાઇવ કુંદર જમણી બાજુએ બેઠા હતા.કોકપીટ વોઇસ રેકોર્ડરથી જાણવા મળ્યું કે એક પાયલોટે પૂછ્યું, “તમે એન્જિન કેમ બંધ કર્યા?” જેના જવાબમાં બીજા પાયલોટે જવાબ આપ્યો, “મેં નથી કર્યું.”
પ્લેન ક્રેશ (Air India Plane Crash)માં 260 લોકો માર્યા ગયા
ગયા વર્ષે 12 જૂને એર ઇન્ડિયાનું બોઇંગ 787 ડ્રીમલાઇનર ક્રેશ થયું હતું. અમદાવાદ એરપોર્ટ પરથી ટેકઓફ કર્યા પછી તરત જ વિમાન ક્રેશ (Air India Plane Crash) થયું હતું. આ અકસ્માતમાં 260 લોકોના મોત થયા હતા, જેમાં 242 મુસાફરો અને ક્રૂ મેમ્બરમાંથી 241 અને મેડિકલ હોસ્ટેલના 19 સભ્યોનો સમાવેશ થાય છે. ટેકઓફ થયાના 32 સેકન્ડ પછી વિમાન મેડિકલ હોસ્ટેલની ઇમારત પર ઉતરીને ક્રેશ થયું હતું.
આ પણ વાંચો:રાષ્ટ્રીય વિમાની દુર્ઘટનાના સમયમાં સિવિલ હોસ્પિટલ બન્યું આશાનું કમાન્ડ સેન્ટર
આ પણ વાંચો:અમદાવાદ વિમાન દુર્ઘટનામાં મળેલું ‘બ્લેક બોક્સ’ મોકલવામાં આવશે અમેરિકા, એક મોટી સમસ્યા
આ પણ વાંચો:આ છે પ્લેન ક્રેશની બચાવ કામગીરીના રિયલ હીરોઝ, તેમના અનુભવો તેમના જ શબ્દોમાં
