તમિલ સિનેમાના સુપરસ્ટાર અજિત કુમાર (Ajith Kumar)ની ફિલ્મ ‘Thunivu’ બુધવારે સિનેમાઘરોમાં રિલીઝ થઈ છે. અજિતના ચાહકોએ તેની ફિલ્મની રિલીઝની ઉગ્ર ઉજવણી કરી હતી. પરંતુ એક ચાહક માટે આ ઉજવણી એટલી મોંઘી સાબિત થઈ કે તેણે પોતાનો જીવ ગુમાવવો પડ્યો. આ ઘટના બુધવારે ચેન્નાઈના રોહિણી થિયેટરની બહાર બની હતી. એવું કહેવાય છે કે આ ચાહકે ઉત્સાહમાં ટ્રક પરથી કૂદકો માર્યો, જેના કારણે તે ઘાયલ થયો અને તેને બચાવી શકાયો નહીં.
રિપોર્ટ્સ અનુસાર આ ફેનનું નામ ભરત કુમાર જણાવવામાં આવી રહ્યું છે. જ્યારે તે તેના મનપસંદ સ્ટારની ફિલ્મની ઉજવણી કરી રહ્યો હતો, ત્યારે તે એટલો ઉત્સાહિત થઈ ગયો કે તેણે પૂનમલી હાઈવે પર રોહિણી થિયેટરની બહાર ધીમી ગતિએ ચાલતી ટ્રક પરથી નીચે કૂદી પડ્યો. જણાવવામાં આવી રહ્યું છે કે ભરતનું ઘટનાસ્થળે જ મોત થયું હતું. અહેવાલો અનુસાર, ભરત આ થિયેટરમાં સવારે 1 વાગ્યાનો શો જોવા આવ્યો હતો. ચેન્નાઈ પોલીસના જણાવ્યા અનુસાર આ મામલે કેસ નોંધવામાં આવ્યો છે.
‘Thunivu’ એ એચ. વિનોદ દ્વારા દિગ્દર્શિત અને બોની કપૂર દ્વારા નિર્મિત તમિલ એક્શન મૂવી છે. ફિલ્મમાં અજિત ઉપરાંત મંજુ વોરિયર, સમુતિરકાની, પાવિની રેડ્ડી અને જ્હોન કોકેન પણ મહત્વના રોલમાં છે.આ ફિલ્મથી અજિત ત્રણ વર્ષ બાદ મોટા પડદા પર પરત ફર્યો છે. આ પહેલા તે 2019માં રીલિઝ થયેલી ‘Nerkonda Paarvai’માં જોવા મળ્યો હતો. બોક્સ ઓફિસ પર આ ફિલ્મની સીધી ટક્કર થલાપતિ સ્ટારર ‘વારિસુ’ સાથે છે. આ પણ તમિલ ભાષાની ફિલ્મ છે. વંશી પૈડિપલ્લીના નિર્દેશનમાં બનેલી આ ફિલ્મનું નિર્માણ દિલ રાજુ દ્વારા કરવામાં આવ્યું છે. આ ફિલ્મમાં રશ્મિકા મંદન્ના, આર. સરથકુમાર, પ્રકાશ રાજ અને યોગી બાબુની પણ મહત્વની ભૂમિકા છે.
અજિત અને વિજય બંનેના ફેન્સ તેમના ફેવરિટ સ્ટારની ફિલ્મની ઉજવણી કરી રહ્યા છે. સોશિયલ મીડિયા પર આ ફેન્સના ઘણા વીડિયો અને તસવીરો વાયરલ થઈ રહી છે, જેમાં તે રસ્તા પર ડાન્સ કરતા જોઈ શકાય છે. ઘણી તસવીરો અને વીડિયોમાં એકબીજાના ફેન્સ એકબીજા સાથે લડાઈ પણ કરી રહ્યા છે. તેઓ આસપાસના સિનેમા હોલમાં તોડફોડ કરી રહ્યા છે. અજીતના ચાહકો વિજયના પોસ્ટર ફાડી રહ્યા છે અને વિજયના ચાહકો અજીતના પોસ્ટર ફાડી રહ્યા છે. હવે જોવાનું એ રહે છે કે બંનેમાંથી કઈ ફિલ્મ બોક્સ ઓફિસ પર કમાલ કરી શકે છે.
આ પણ વાંચો:રાખી સાવંતે ગુપ્ત રીતે આદિલ સાથે કર્યા લગ્ન? કોર્ટમાંથી લીક થયેલા ફોટા પર ચર્ચાએ પકડ્યું જોર
આ પણ વાંચો:નુસરત ભરૂચાનો થયો અકસ્માત, માથામાં થઈ ઈજા, લગાવામાં આવ્યા ટાંકા, અભિનેત્રીએ ચાહકોને આપી અપડેટ
આ પણ વાંચો:આર્યન ખાન પાકિસ્તાની અભિનેત્રીને કરી રહ્યો છે ડેટ? સાદિયા ખાને જણાવી હકીકત
