ઇઝરાયલ અને હમાસ વચ્ચે ચાલી રહેલા યુદ્ધમાં નિર્દોષ લોકો સતત જીવ ગુમાવી રહ્યા છે. હજારો લોકો માર્યા ગયા છે. હવે વર્લ્ડ હેલ્થ ઓર્ગેનાઈઝેશન (WHO)ના ડાયરેક્ટર ડો. ટેડ્રોસ એડનોમ ઘેબ્રેયેસસે કહ્યું છે કે ગાઝામાં સરેરાશ દર 10 મિનિટે એક બાળકનું મૃત્યુ થઈ રહ્યું છે. તેમણે ચેતવણી આપી હતી કે ગાઝામાં ક્યાંય પણ કોઈ સુરક્ષિત નથી.

ડો. ટેડ્રોસે વધુમાં જણાવ્યું હતું કે, સાત ઓક્ટોબરથી WHOએ ગાઝા અને પશ્ચિમ કાંઠે હોસ્પિટલો, દર્દીઓ, એમ્બ્યુલન્સ અને ક્લિનિક્સ પર 250થી વધુ હુમલાઓની પુષ્ટિ કરી છે. જ્યારે ઈઝરાયલમાં સ્વાસ્થ્ય સેવા પર 25 હુમલા થયા છે. ઈઝરાયલનું કહેવું છે કે હમાસ હોસ્પિટલોની નીચેની ટનલમાં હથિયારો છુપાવે છે. જો કે હમાસે આ આરોપોને નકારી કાઢ્યા છે.

https://twitter.com/DrTedros/status/1723193486189506654?ref_src=twsrc%5Etfw%7Ctwcamp%5Etweetembed%7Ctwterm%5E1723193486189506654%7Ctwgr%5E72368aef47ec9f91f5ed13515104d8b79996b936%7Ctwcon%5Es1_&ref_url=https%3A%2F%2Fwww.thelallantop.com%2Fnews%2Fpost%2Fworld-health-organization-director-general-tedros-adhanom-ghebreyesus-on-average-one-child-dies-every-10-minutes-in-gaza

WHO ના ડિરેક્ટરે કહ્યું કે, ‘ગાઝાની 36 હોસ્પિટલોમાંથી અડધી અને તેના બે તૃતીયાંશ પ્રાથમિક આરોગ્ય કેન્દ્રો કાર્યરત નથી. જેઓ કામ કરી રહ્યા છે તેઓ તેમની ક્ષમતા કરતા વધુ લોકોની સારવાર કરી રહ્યા છે. હોસ્પિટલોના કોરિડોર ઘાયલ, બીમાર અને મરનારાઓથી ભરેલા છે. શબઘરો ભરાઈ ગયા છે. એનેસ્થેસિયા વિના સર્જરી કરવામાં આવી રહી છે. ગાઝામાં આરોગ્ય સંભાળ સિસ્ટમ સંપૂર્ણપણે તૂટી ગઈ છે.’

તેમણે વધુમાં કહ્યું કે હજારો વિસ્થાપિત લોકો હોસ્પિટલોમાં આશ્રય લઈ રહ્યા છે. ઘણા પરિવારો શાળાઓમાં અટવાયા છે. તેમની પાસે ન તો ખાવા માટે ખોરાક છે કે ન પીવા માટે પાણી. WHO આ તમામ લોકોને મદદ કરી રહ્યું છે.

મીડિયા રિપોર્ટ અનુસાર, ગાઝામાં અત્યાર સુધીમાં 10,800થી વધુ લોકો માર્યા ગયા છે. તેમાંથી લગભગ 70 ટકા મહિલાઓ અને બાળકો છે. 25 હજારથી વધુ લોકો ઘાયલ થયા છે.

ઇઝરાયલે હમાસના હુમલામાં માર્યા ગયેલા લોકોની સંખ્યામાં ફેરફાર કર્યો છે. અત્યાર સુધી ઈઝરાયલ કહી રહ્યું હતું કે 1400 લોકો માર્યા ગયા છે. હવે તે ઘટાડીને 1200 કરી દેવામાં આવ્યો છે. ઇઝરાયલના વિદેશ મંત્રાલયના પ્રવક્તા લિયોર હયાતે મીડિયાને જણાવ્યું હતું કે 1,400ની પ્રારંભિક સંખ્યામાં હુમલાખોરોનો પણ સમાવેશ થાય છે.

આ પણ વાંચો: ઉત્તરકાશી ટનલમાં ફસાયેલા મજૂરો સાથે થયો સંપર્ક, રેસ્ક્યુ ટીમને આપ્યા સંકેત

આ પણ વાંચો: રવિન્દ્ર જાડેજાએ વર્લ્ડ કપમાં બનાવ્યો મોટો રેકોર્ડ, તોડ્યો આ પૂર્વ ભારતીય દિગ્ગજનો રેકોર્ડ

આ પણ વાંચો: ભારતીય વિદેશ મંત્રીએ બ્રિટનના પીએમને આપી દિવાળીની ખાસ ભેટ, વિરાટ સાથે છે કનેક્શન