Delhi News:દિલ્હી હાઈકોર્ટના (Delhi High Court) જસ્ટિસ યશવંત વર્માના (Justice Yashwant Verma) ઘરેથી 15 કરોડ રૂપિયાની રોકડ રિકવરીના મામલામાં કાર્યવાહી શરૂ થઈ ગઈ છે. દિલ્હી હાઈકોર્ટના ચીફ જસ્ટિસ ડીકે ઉપાધ્યાયે શુક્રવારે સુપ્રીમ કોર્ટના સીજેઆઈ સંજીવ ખન્નાને આંતરિક તપાસ રિપોર્ટ સોંપ્યો હતો. હવે કોલેજિયમ આ અંગે આગળની કાર્યવાહી કરશે.
અગાઉ 2018 માં, સીબીઆઈએ ગાઝિયાબાદની સિંભોલી સુગર મિલમાં અનિયમિતતાના કેસમાં ન્યાયમૂર્તિ વર્મા વિરુદ્ધ FIR નોંધી હતી. માહિતી મુજબ ઓરિએન્ટલ બેંક ઓફ કોમર્સે મિલમાં અનિયમિતતા અંગે ફરિયાદ કરી હતી.
ફરિયાદમાં જણાવાયું હતું કે સુગર મિલ દ્વારા ખેડૂતો માટે આપવામાં આવેલી રૂ. 97.85 કરોડની લોનનો દુરુપયોગ કર્યો છે.
જસ્ટિસ વર્મા તે સમયે કંપનીના નોન-એક્ઝિક્યુટિવ ડિરેક્ટર હતા. આ કેસમાં સીબીઆઈએ તપાસ શરૂ કરી છે. જોકે, તપાસ ધીમી પડી રહી હતી.
ફેબ્રુઆરી 2024 માં, એક કોર્ટે સીબીઆઈને બંધ તપાસ ફરી શરૂ કરવાનો આદેશ આપ્યો, પરંતુ સુપ્રીમ કોર્ટે આ આદેશને ઉલટાવી દીધો અને સીબીઆઈએ તપાસ બંધ કરી દીધી.
સીબીઆઈની FIRની તે નકલ, જેમાં જસ્ટિસ વર્માનું નામ છે
મેં રોકડ ન મળવાની વાત નથી કરી – ફાયર સર્વિસ ચીફ
આ દરમિયાન દિલ્હી ફાયર સર્વિસના વડા અતુલ ગર્ગે કહ્યું છે કે મેં કોઈ નિવેદન આપ્યું નથી કે જજના ઘરમાંથી રોકડ મળી નથી. ગર્ગનું નિવેદન 21 માર્ચે મીડિયા રિપોર્ટ્સમાં પ્રકાશિત થયું હતું, જેમાં તેમને ટાંકવામાં આવ્યા હતા કે જસ્ટિસ વર્માના ઘરે આગ ઓલવતી વખતે કોઈ રોકડ રકમ મળી નથી.
14 માર્ચે રાત્રે લગભગ 11.35 વાગ્યે લ્યુટિયન્સ દિલ્હીમાં જસ્ટિસ વર્માના બંગલામાં હોળીના દિવસે આગ લાગી હતી. દિલ્હી ફાયર વિભાગના જવાનોએ ઘટના સ્થળે પહોંચી આગને કાબુમાં લીધી હતી. ઘટના સમયે જસ્ટિસ વર્મા શહેરની બહાર હતા. તેનો પરિવાર ઘરમાં હાજર હતો.
બાર કાઉન્સિલના સભ્યોએ દિલ્હી હાઈકોર્ટના મુખ્ય ન્યાયાધીશ દેવેન્દ્ર ઉપાધ્યાય સમક્ષ આ મુદ્દો ઉઠાવ્યો હતો અને તેમને પગલાં લેવા વિનંતી કરી હતી. મુખ્ય ન્યાયાધીશે જવાબ આપ્યો કે ન્યાયાધીશો આ મુદ્દાથી વાકેફ છે.
સુપ્રીમ કોર્ટે આંતરિક તપાસ સુયોજિત કરી સુપ્રીમ કોર્ટે શુક્રવારે એક નિવેદનમાં જણાવ્યું હતું કે દિલ્હી હાઈકોર્ટના મુખ્ય ન્યાયાધીશે જસ્ટિસ વર્મા વિરુદ્ધ આંતરિક તપાસ શરૂ કરી છે. તેમને અલ્હાબાદ હાઈકોર્ટમાં ટ્રાન્સફર કરવાનો પ્રસ્તાવ અલગ છે. નિવેદનમાં કહેવામાં આવ્યું છે કે ન્યાયમૂર્તિ યશવંત વર્માના નિવાસસ્થાને બનેલી ઘટના અંગે ખોટી માહિતી અને અફવાઓ ફેલાવવામાં આવી રહી છે.
શુક્રવારે સુપ્રીમ કોર્ટે પણ આ મામલે નિવેદન જાહેર કર્યું હતું. જેમાં કહેવામાં આવ્યું હતું કે, ખોટી માહિતી અને રોકડ મળવાની અફવાઓ ફેલાવવામાં આવી રહી છે. દિલ્હી હાઈકોર્ટના મુખ્ય ન્યાયાધીશ આજે CJI સંજીવ ખન્નાને પ્રાથમિક રિપોર્ટ સોંપશે. આ પછી આગળની કાર્યવાહી કરવામાં આવશે.
સમગ્ર ઘટના દરમિયાન સુપ્રીમ કોર્ટના કોલેજિયમે જસ્ટિસ વર્માને અલ્હાબાદ હાઈકોર્ટમાં પાછા ટ્રાન્સફર કરી દીધા હતા. જોકે, સુપ્રીમ કોર્ટે પોતાના નિવેદનમાં સ્પષ્ટ કર્યું છે કે જજના બંગલામાંથી રોકડ મળવાના સમાચાર અને તેમની ટ્રાન્સફર વચ્ચે કોઈ સંબંધ નથી.
આ પણ વાંચોઃપત્નીને ‘પરજીવી’ કહેવું પતિને પડ્યું ભારે, દિલ્હી હાઈકોર્ટે લગાવી ફટકાર, ભરણપોષણનો કર્યો આદેશ
આ પણ વાંચોઃIASની નોકરી ગઈ, હવે દિલ્હી હાઈકોર્ટે મોકલી નોટિસ, પૂજા ખેડકરને ચાલાકી મોંઘી પડી
આ પણ વાંચોઃદિલ્હી હાઈકોર્ટે વિકિપીડિયાને આપ્યો ઠપકો, ‘ભારત પસંદ ન હોય તો અહીં કામ કરવાની જરૂર નથી’
