supremecourt/ આજે ઈલેક્ટોરલ બોન્ડ સ્કીમ કેસની સુનાવણી મામલે લેવામાં આવી શકે મહત્વનો નિર્ણય

આજે સુપ્રીમ કોર્ટમાં ઇલેક્ટોરલ બોન્ડ સ્કીમ કેસની સુનાવણીમાં મહત્વનો નિર્ણય આવી શકે. 31 ઓક્ટોબરે પ્રથમ દિવસની સુનાવણી કરવામાં આવી. આ કેસમાં ચાર પિટિશન દાખલ કરવામાં આવી છે. જેમાં કોંગ્રેસ નેતા જયા ઠાકુર અને સીપીએમની અરજીઓનો સમાવેશ થાય છે. આ કેસની સુનાવણીમાં કેન્દ્ર સરકાર વતી એટર્ની જનરલ આર વેંકટરામણી અને અરજદારો તરફથી વકીલ કપિલ સિબ્બલ, પ્રશાંત […]

Top Stories India
3 આજે ઈલેક્ટોરલ બોન્ડ સ્કીમ કેસની સુનાવણી મામલે લેવામાં આવી શકે મહત્વનો નિર્ણય

આજે સુપ્રીમ કોર્ટમાં ઇલેક્ટોરલ બોન્ડ સ્કીમ કેસની સુનાવણીમાં મહત્વનો નિર્ણય આવી શકે. 31 ઓક્ટોબરે પ્રથમ દિવસની સુનાવણી કરવામાં આવી. આ કેસમાં ચાર પિટિશન દાખલ કરવામાં આવી છે. જેમાં કોંગ્રેસ નેતા જયા ઠાકુર અને સીપીએમની અરજીઓનો સમાવેશ થાય છે. આ કેસની સુનાવણીમાં કેન્દ્ર સરકાર વતી એટર્ની જનરલ આર વેંકટરામણી અને અરજદારો તરફથી વકીલ કપિલ સિબ્બલ, પ્રશાંત ભૂષણ અને વિજય હંસરિયા હાજર રહ્યા.

ચીફ જસ્ટિસ ડીવાય ચંદ્રચુડ, જસ્ટિસ સંજીવ ખન્ના, જસ્ટિસ બીઆર ગવઈ, જસ્ટિસ જેબી પારડીવાલા અને જસ્ટિસ મનોજ મિશ્રાની બેંચ આ કેસની સુનાવણી કરી રહી છે. ઈલેક્ટોરલ બોન્ડ સ્કીમ કેસની સુનાવણીના પ્રથમ દિવસે 31 ઓક્ટોબરના અરજદાર તરફથી હાજર રહેલ વકીલ પ્રશાંત ભૂષણે કહ્યું હતું કે ચૂંટણી બોન્ડ માત્ર રાજકીય પક્ષો દ્વારા શેલ કંપનીઓ દ્વારા મેળવેલ કાળું નાણું છે. જ્યારે કેસની સુનાવણી પહેલા એટર્ની જનરલ આર વેંકટરામણીએ કહ્યું હતું કે નાગરિકોને પક્ષકારોની આવકના સ્ત્રોત જાણવાનો અધિકાર નથી.

અરજદારના વકીલ પ્રશાંતભૂષણની દલીલ

ઇલેક્ટોરલ બોન્ડ સ્કીમ સુનાવણીમાં પ્રશાંત ભૂષણ દ્વારા દલીલ કરવામાં આવી કે જો કોઈ નાગરિકને ઉમેદવારો, તેમની મિલકતો, તેમના ગુનાહિત ઈતિહાસ વિશે જાણવાનો અધિકાર હોય તો તેમણે એ પણ જાણવું જોઈએ કે રાજકીય પક્ષોને કોણ ભંડોળ પૂરું પાડે છે? વધુમાં તેમણે એ પણ દલીલ કરી કે સત્તારૂઢ પક્ષને આ બોન્ડ લાંચ તરીકે અપાય છે. એટલે કે તમામ બોન્ડ શાસક પક્ષને જ આપવામાં આવ્યા છે. એક રીતે એમ કહી શકાય કે આ બોન્ડ શાસકપક્ષને દાન આપવા જ લાવવામા આવ્યા છે. જેથી તે માન્ય ગણાય. મોટાભાગના બોન્ડ સરકારને મળે છે અને તે મહત્વના નિર્ણયોને પ્રભાવિત કરે છે.

ભૂષણે બોન્ડ સ્કીમનો વિરોધ કરતા દલીલ કરી કે જો ED પૈસા વિશે માહિતી માંગે છે તો SBI તેને જાહેર કરી શકે છે, પરંતુ તમામ એજન્સીઓ સરકારના નિયંત્રણ હેઠળ છે અને SBI પણ. આવી સ્થિતિમાં કોઈ તેના વિશે જાણી શકશે નહીં. સામાન્ય માણસને કેવી રીતે ખબર પડશે કે કોણે કેટલું દાન આપ્યું? જો સરકાર ઇચ્છે તો SBI પર દબાણ કરી માહિતી મેળવી શકે છે, પરંતુ નાગરિકો એ જાણવાનો તેમનો અધિકાર ગુમાવે છે કે આ રાજકીય પક્ષોને કોણ ભંડોળ પૂરું પાડે છે?

વરિષ્ઠ વકીલ પ્રશાંત ભૂષણની દલીલ પર CJI કહે છે શક્ય છે કે દાન આપનાર વ્યક્તિ પોતાની ઓળખ છુપાવવા માંગે છે કારણ કે તે બિઝનેસ કરે છે. જો તેનું નામ જાહેર થશે તો તેને મુશ્કેલીનો સામનો કરવો પડી શકે. જ્યારે ભૂષણ કહે છે કે આ બોન્ડ શેલ કંપનીઓ તરફથી રાજકીયપક્ષોને અપાતા કાળા નાણાંનો સ્ત્રોત છે. અનેક ઉમેદવારો મર્યાદા કરતા 100 ગણો વધુ ખર્ચ કરી રહ્યા છે. તેમજ ઇલેક્ટોરલ બોન્ડને પડકારવાનું કારણ જણાવતા કહે છે કે રાજકીય પક્ષો નાણાંના સ્ત્રોતને જાહેર ન કરે તે માહિતીના અધિકારનું ઉલ્લંઘન છે. આ કેસમાં આજે બીજી સુનાવણીમાં ઇલેક્ટોરોલ બોન્ડને લઈને સુપ્રીમકોર્ટ મહત્વનો ચુકાદો આપી શકે.


whatsapp ad White Font big size 2 4 આજે ઈલેક્ટોરલ બોન્ડ સ્કીમ કેસની સુનાવણી મામલે લેવામાં આવી શકે મહત્વનો નિર્ણય


આ પણ વાંચો : Israel Hamas War/ ઈઝરાયલે ગાઝાના જબાલિયા કેમ્પ પર ભયંકર તબાહી મચાવી

આ પણ વાંચો : જ્ઞાનસહાયક/ માધ્યમિક સ્કૂલોમાં વિદ્યાર્થીઓના સહાયક બનશે જ્ઞાન સહાયક

આ પણ વાંચો : America/ ઈઝરાયલ પર હમાસના હુમલાથી અમેરિકા ખૌફમાં, મોટો ખતરો તોળાઈ રહ્યો છે!