Mumbai News: મુંબઈ નજીક દરિયામાં વધુ એક બોટ અકસ્માત સર્જાયો હતો. આ અકસ્માતમાં માછીમારોની બોટ માલવાહક જહાજ સાથે અથડાઈ હતી. જો કે હાલ આ અકસ્માતમાં કોઈ જાનહાનિ અંગે કોઈ માહિતી બહાર આવી નથી. કહેવાય છે કે શનિવારે મોડી રાત્રે માછીમારોની એક બોટ ચીનના CALL SING BTSJ FLAG CHA કાર્ગો શિપ સાથે અથડાઈ હતી. આ અકસ્માત રાત્રે 12 વાગ્યાની આસપાસ થયો હતો.

નેવી અને કોસ્ટ ગાર્ડની ટીમે બચાવ કામગીરી હાથ ધરી હતી

માલવાહક જહાજ સાથે અથડાયા બાદ માછીમારોની બોટ દરિયામાં ડૂબવા લાગી હતી. માછીમારોને બચાવવા માટે રેસ્ક્યુ ઓપરેશન શરૂ કરવામાં આવ્યું હતું. ડૂબતી બોટને બચાવવા માટે નજીકમાં હાજર માછીમારોની બોટ આવી પહોંચી હતી. આ ઘટનાની માહિતી મળતા જ નેવી અને કોસ્ટ ગાર્ડની ટીમ પણ ઘટનાસ્થળે પહોંચી ગઈ હતી. જે બાદ રાહત અને બચાવ કાર્ય ઝડપથી શરૂ કરવામાં આવ્યું હતું.

સત્તાવાર માહિતી અનુસાર, નવી અને કોસ્ટ ગાર્ડની ટીમો તેમની ડૂબતી બોટ પર માછીમારોને મદદ કરવા ગઈકાલ રાતથી કામ કરી રહી છે. આ સમગ્ર ઘટનામાં હજુ સુધી કોઈ જાનહાનિ કે ઈજાની કોઈ માહિતી નથી.

18મી ડિસેમ્બરે એક મોટો અકસ્માત થયો હતો

આ પહેલા 18 ડિસેમ્બરે નેવીની બોટ મુંબઈના દરિયાકાંઠે પેસેન્જર બોટ સાથે અથડાઈ હતી. આ અકસ્માતમાં 14 લોકોના મોત થયા હતા. નૌકાદળનું જહાજ એન્જિન પરીક્ષણ માટે જઈ રહ્યું હતું, પરંતુ સાંજે 4 વાગ્યે તેણે નિયંત્રણ ગુમાવ્યું અને કારંજા પાસે નીલકમલ નામની બોટ સાથે અથડાઈ. આ બોટ મુસાફરોને ગેટવે ઓફ ઈન્ડિયાથી લોકપ્રિય પર્યટન સ્થળ ‘એલિફન્ટા’ ટાપુ પર લઈ જઈ રહી હતી.

સૂત્રોના જણાવ્યા અનુસાર, ફેરીમાં 80 મુસાફરોની ક્ષમતા હતી અને તે ઘટનાના લગભગ 45 મિનિટ પહેલા ગેટવે ઓફ ઈન્ડિયાથી એલિફન્ટા આઈલેન્ડ માટે રવાના થઈ હતી. આ અકસ્માત જવાહર ટાપુ પાસે થયો હતો.

આ પણ વાંચો:33 વર્ષ બાદ આરોપીને ઝડપી પાડ્યો મુંબઈ પોલીસે, પત્ની હત્યા કરનાર કઈ રીતે પકડાયો ક્રૂર પતિ

આ પણ વાંચો:મુંબઈના ગેટવે ઓફ ઈન્ડિયા પાસે 30 થી વધુ લોકો સાથે બોટ પલટી ગઈ

આ પણ વાંચો:મુંબઈમાં દર્દનાક ઘટના : ગ્રાઇન્ડરમાં ફસાઈ જતાં 19 વર્ષીય યુવકનું મૃત્યુ