તારક મહેતા કા ઉલ્ટા ચશ્મા ખ્યાતિ નટ્ટુકાકા ઉર્ફે ઘનશ્યામ નાયકનું રવિવારે નિધન થયું હતું. 77 વર્ષના ઘનશ્યામ નાયકના નિધન પર તેમના સહ કલાકારોએ સોશિયલ મીડિયા પર તેમને શ્રદ્ધાંજલિ પાઠવી હતી. સોમવારે નટ્ટુકાકાના અંતિમ સંસ્કાર કરવામાં આવ્યા હતા જેમાં તારક મહેતા શોના ઘનશ્યામ નાયકના સહ-કલાકારો તેમને અંતિમ વિદાય આપવા આવ્યા હતા.
આ પણ વાંચો : ફિલ્મના સેટ પરથી ગાયબ કિંગ ખાન, આ વ્યક્તિ શાહરૂખ બનીને કરી રહ્યો છે શૂટિંગ
જેઠાલાલ ઉર્ફે દિલીપ જોશી, બાપુ ઉર્ફે અમિત ભટ્ટ અને બબીતા જી એટલે કે મુનમુન દત્તાએ તેમના નટ નટ્ટુકાકાના અંતિમ દર્શન કર્યા હતા. તે બધાએ કાંદિવલી પશ્ચિમમાં નટ્ટુકાકાના અંતિમ સંસ્કારમાં હાજરી આપી હતી. ઘનશ્યામ નાયકના સહ-કલાકારો ઉપરાંત, તેના મિત્રો અને સંબંધીઓ પણ અભિનેતાના અંતિમ સંસ્કારમાં જોડાયા હતા.
આપને જણાવી દઈએ કે ઘનશ્યામ નાયકને કેન્સર હતું અને તેઓ લાંબા સમયથી બીમાર ચાલી રહ્યા હતા. ગયા વર્ષે ઘનશ્યામની હાલત ખૂબ ખરાબ થઈ ગઈ હતી. એપ્રિલ મહિનામાં, ઘનશ્યામ નાયકના ગળામાં કેટલાક ફોલ્લીઓ મળી આવી હતી, ત્યારબાદ તેનું ઓપરેશન કરવામાં આવ્યું હતું. આઠ ગાંઠ કાઢ્યામાં આવી, બાદમાં ઘનશ્યામ નાયકની કીમોથેરાપી ચાલી. તે તેની સારવાર કરાવ્યા બાદ કામ પર પાછા ફરવાની આતુરતાથી રાહ જોઈ રહ્યા હતા.
આ પણ વાંચો :શાહરૂખ ખાને ફોન પર કરી દીકરા સાથે વાત, આર્યને પિતા સામે સ્વિકારી આ વાત
‘તારક મહેતા… ‘ના કલાકારો ઘનશ્યામ નાયકના ઘરે અંતિમ દર્શન માટે પહોંચ્યા હતા. મંદાર ચાંદવાડકર (ભીડે), અમિત ભટ્ટ (ચંપક ચાચા), તનુજ મહાશબ્દે (ઐય્યર), શ્યામ પાઠક (પોપટલાલ), શરદ સંકલા (અબ્દુલ) જેવા કલાકારો ઘનશ્યામ નાયકના અંતિમ દર્શન માટે તેમના ઘરે પહોંચ્યા હતા. મંદારે અમારા સહયોગી ઈટાઈમ્સ ટીવીને જણાવ્યું કે, “આ ખૂબ આઘાતનજનક છે. તેઓ ખૂબ સારા વ્યક્તિ હતા. અમે તેમને ખૂબ યાદ કરીશું.”
ઘનશ્યામ નાયકે 1960માં આવેલી ફિલ્મ ‘માસૂમ’માં બાળ કલાકાર તરીકે કારકિર્દી શરૂ કરી હતી. તેમણે અનેક ગુજરાતી અને હિન્દી ફિલ્મો તેમજ ટીવી સીરિયલોમાં કામ કર્યું છે. ‘હમ દિલ દે ચૂકે સનમ’, ‘બરસાત’, ‘ઘાતક’, ‘ચાઈના ગેટ’, ‘લજ્જા’, ‘તેરે નામ’ વગેરે જેવી હિન્દી ફિલ્મોમાં કામ કર્યું છે. આ સિવાય તેઓ ‘સારાભાઈ વર્સિસ સારાભાઈ’, ‘ખીચડી’, ‘દિલ મિલ ગયે’, ‘એક મહેલ હો સપનો કા’, ‘સારથી’ વગેરે જેવી હિન્દી સીરિયલોમાં કામ કર્યું હતું.
આ પણ વાંચો :સલમાન – સંજય અને રિયા બાદ હવે લડી રહ્યા છે આર્યનનો કેસ, જાણો કોણ છે સતીશ માનશિંદે
આ પણ વાંચો : NCB ની પૂછપરછ બાદ Aryan Khan નો એક જ દિવસમાં બદલાયો લુક, જુઓ ફોટો
