હાલ ICC વન ડે ક્રિકેટ વર્લ્ડ કપ માટે પાકિસ્તાનની ટીમ ભારત પહોંચી ગઈ છે. પાકિસ્તાની ટીમ વર્લ્ડ કપમાં પોતાના અભિયાનની શરૂઆત 6 ઓક્ટોબરે નેધરલેન્ડ સામેની મેચથી કરશે. આ પછી તે 10 ઓક્ટોબરે શ્રીલંકા સામે ટકરાશે.
બાબર આઝમની કપ્તાનીવાળી પાકિસ્તાની ટીમ ICC વન ડે ક્રિકેટ વર્લ્ડ કપ 2023માં ભાગ લેવા બુધવારે હૈદરાબાદ પહોંચી હતી. પાકિસ્તાની ટીમના બે ખેલાડીઓને છોડીને બાકીના તમામ ખેલાડીઓ પ્રથમ વખત ભારતના પ્રવાસે આવ્યા છે. આ પહેલા માત્ર મોહમ્મદ નવાઝ અને આગા સલમાન જ ભારત આવી શક્યા હતા. સુકાની બાબર આઝમનો પણ આ પ્રથમ પ્રવાસ છે.
હૈદરાબાદ પહોંચ્યા બાદ પાકિસ્તાની ખેલાડીઓ આજથી પ્રેક્ટિસ શરૂ કરશે. પાકિસ્તાન 29 સપ્ટેમ્બરે હૈદરાબાદના રાજીવ ગાંધી ઇન્ટરનેશનલ સ્ટેડિયમમાં ન્યૂઝીલેન્ડ સામે વોર્મ-અપ મેચ રમશે. ત્યાર બાદ તેણે ઓસ્ટ્રેલિયા સામે 3 ઓક્ટોબરે હૈદરાબાદમાં તેની બીજી પ્રેક્ટિસ મેચ રમવાની છે. પાકિસ્તાની ટીમ વર્લ્ડ કપમાં પોતાના અભિયાનની શરૂઆત 6 ઓક્ટોબરે નેધરલેન્ડ સામેની મેચથી કરશે. આ પછી તે 10 ઓક્ટોબરે શ્રીલંકા સામે ટકરાશે. પાકિસ્તાન ટીમની આ બંને મેચ હૈદરાબાદમાં જ રમાશે.
દરમિયાન, તાલીમ માટે, પાકિસ્તાની ટીમે પ્રેક્ટિસ માટે ટોચના વર્ગના સ્પિનરોની માંગણી કરી છે. તેમજ પાકિસ્તાનની ટીમને પ્રેક્ટિસ માટે વધુ પિચ આપવાનો અનુરોધ કર્યો છે. પાકિસ્તાની ખેલાડીઓ સ્પિનરો સામે શક્ય તેટલી પ્રેક્ટિસ કરવા માંગે છે કારણ કે સ્પિનરોને ભારતીય પીચો પર વધુ મદદ મળે છે. હૈદરાબાદનું મેદાન પણ આનાથી અછૂત નથી, જ્યાં પાકિસ્તાનની ટીમે પ્રથમ બે મેચ રમવાની છે. રિપોર્ટ અનુસાર પાકિસ્તાન અને ન્યુઝીલેન્ડને પ્રેક્ટિસ માટે 7-7 પીચો આપવામાં આવી છે.
A warm welcome in Hyderabad as we land on Indian shores 👏#WeHaveWeWill | #CWC23 pic.twitter.com/poyWmFYIwK
— Pakistan Cricket (@TheRealPCB) September 27, 2023
વર્લ્ડ કપ માટે પાકિસ્તાનની ક્રિકેટ ટીમ બાબર આઝમ શાદાબ ખાન અબ્દુલ્લા શફીક, ફખર જમાન, હસન અલી, ઈફ્તિખાર અહેમદ, ઈમામ ઉલ હક, મોહમ્મદ નવાઝ, મોહમ્મદ રિઝવાન, સલમાન આગા, શાહીન આફ્રિદી, ઉસામા મીર, સઈદ શકીલ, હરિસ રઉફ, મોહમ્મદ વસીમ જુનિયર.
વર્લ્ડ કપ દરમિયાન રાઉન્ડ રોબિન લીગમાં 10 ટીમો એકબીજા સામે ટકરાશે, જેમાં 45 મેચ રમાશે. દરેક ટીમ અન્ય નવ ટીમો સાથે રાઉન્ડ-રોબિન ફોર્મેટમાં રમશે, જેમાં ટોચની ચાર ટીમો નોક-આઉટ સ્ટેજ માટે ક્વોલિફાય થશે. પ્રથમ સેમિફાઇનલ 15 નવેમ્બરના રોજ વાનખેડે સ્ટેડિયમ, મુંબઈમાં અને બીજી સેમિફાઇનલ 16 નવેમ્બરે ઈડન ગાર્ડન્સ, કોલકાતા ખાતે રમાશે. જો ભારત સેમિફાઇનલ માટે ક્વોલિફાય થશે તો તે તેની સેમીફાઇનલ મેચ મુંબઇમાં રમશે.
વાનખેડે સ્ટેડિયમે 2011 વર્લ્ડ કપની ફાઈનલનું આયોજન કર્યું હતું, જેમાં મહેન્દ્ર સિંહ ધોનીની આગેવાની હેઠળની ભારતીય ટીમે શ્રીલંકાને હરાવીને 28 વર્ષ બાદ ODI વર્લ્ડ કપનો ખિતાબ જીત્યો હતો. જો કે, ઈડન ગાર્ડન્સે 1987ની ટૂર્નામેન્ટમાં ઓસ્ટ્રેલિયા અને ઈંગ્લેન્ડ વચ્ચે ટાઈટલ મેચનું આયોજન કર્યું હતું, જે ઓસ્ટ્રેલિયાએ જીત્યું હતું.
ક્રિકેટના ઈતિહાસમાં આવું પહેલીવાર થઈ રહ્યું છે, જ્યારે સમગ્ર વિશ્વ કપ ભારતમાં રમાશે. આ પહેલા ભારતે 1987, 1996 અને 2011માં સંયુક્ત રીતે ODI ક્રિકેટ વર્લ્ડ કપનું આયોજન કર્યું હતું. 13મા ODI વર્લ્ડ કપનું સંપૂર્ણ શેડ્યૂલ મંગળવારે મુંબઈમાં જાહેર કરવામાં આવ્યું હતું. આ સમગ્ર ટુર્નામેન્ટ 46 દિવસ સુધી ચાલશે. 5 ઓક્ટોબરે અમદાવાદમાં ઈંગ્લેન્ડ અને ન્યુઝીલેન્ડ વચ્ચેની મેચથી વર્લ્ડ કપની શરૂઆત થશે. ભારતીય ટીમ તેની પ્રથમ મેચ ઓસ્ટ્રેલિયા સામે 8 ઓક્ટોબરે ચેન્નાઈમાં રમશે. ફાઈનલ 19 નવેમ્બરે અમદાવાદના નરેન્દ્ર મોદી સ્ટેડિયમમાં રમાશે.
આ પણ વાંચો :World Cup 2023/ભારતની ધરતી પર શાદાબ ખાન આવતાની સાથે જ વિરાટ કોહલીના ચાહકો સોશિયલ મીડિયા પર એક્ટિવ થઈ ગયા, મીમ્સ વડે કર્યો હુમલો
આ પણ વાંચો :Cricket/રોહિત-કોહલીની ઐતિહાસિક સિદ્ધિ, ODI ક્રિકેટમાં આ મોટા રેકોર્ડ તોડ્યા
આ પણ વાંચો :ASIAN GAMES/ભારતનું ધમાકેદાર પ્રદર્શન, એર પિસ્તોલ ટીમે જીત્યો ગોલ્ડ મેડલ
