સિંગર જુબિન નૌટિયાલ ગુરુવારે ઘરે સીડી પરથી નીચે પડી ગયો હતો. આ દરમિયાન તેને ગંભીર ઈજાઓ થઈ છે. જુબિન નૌટિયાલની કોણી તૂટી ગઈ છે. આ સિવાય તેના માથા, પાંસળી અને કપાળ પર પણ ઈજા છે. જુબિન નૌટિયાલને મુંબઈની હોસ્પિટલમાં દાખલ કરવામાં આવ્યો છે.
જુબિન નૌટિયાલનું નવું ગીત તુ સામને આયે તાજેતરમાં રિલીઝ થયું છે. તેણે આ ગીત ગાયક યોહાની સાથે ગાયું છે. ગુરુવારે નૌટિયાલ અને યોહાની ગીતના લોન્ચિંગ સમયે સાથે જોવા મળ્યા હતા. આ પછી જ તેને ઈજા થઈ. આ અકસ્માતને કારણે સિંગરને તેના જમણા હાથનું ઓપરેશન કરાવવું પડશે. ડોક્ટરોએ તેને જમણા હાથનો ઉપયોગ ન કરવાની સલાહ આપી છે.
સિંગર સિંગર જુબિન નૌટિયાલે ઘણી મહેનત કરીને ઈન્ડસ્ટ્રીમાં પોતાનું નામ બનાવ્યું છે. તાજેતરમાં તેના એક પછી એક ગીતો રિલીઝ થયા છે. આમાં માનીકે ગીત યોહાની સાથેનું તુ સામને આયે અને ફિલ્મ ગોવિંદા નામ મેરાનું બના શરાબીનો સમાવેશ થાય છે. થેન્ક ગોડ ફિલ્મનું ગીત માનીકે પણ યોહાની સાથે જુબિને ગાયું હતું.
આ પહેલા પણ જુબિન નૌટિયાલે ઘણા હિટ ગીતો આપ્યા છે. તેના વૈશ્વિક હિટ ગીતોની યાદી ઘણી લાંબી છે. જેમાં રાતાં લંબીયાં, લૂટ ગયે, હમનવા મેરે, તુમ હી આના, બેવફા તેરા માસૂમ ચેહરા અને તુઝે કિતના ચાહને લગે હમનો સમાવેશ થાય છે. પોતાના સુરીલા અવાજ અને સુંદર દેખાવથી જુબિન આજે લાખો દિલો પર રાજ કરી રહ્યો છે. તેના ગીતો માત્ર ચાર્ટબસ્ટર નથી, પરંતુ તેની ફીમેલ ફોલોઈંગ પણ ખૂબ સારી છે.
આ પણ વાંચો: આ ગંભીર બીમારીથી પીડિત છે કમલ હાસનની દીકરી શ્રુતિ, જાણો કારણે થાય છે આ બીમારી
આ પણ વાંચો:મુંબઈના રસ્તા પર લુંગી-બનિયાનમાં ફરતો જોવા મળ્યો સલમાન ખાન, જાણો શું છે તેની પાછળનું કારણ
આ પણ વાંચો:ફિફા ફેન ફેસ્ટમાં નોરા ફતેહીએ લહેરાવ્યો તિરંગો, જય હિંદના નારાથી દર્શકોને કર્યા ખુશ
