Rajkot News: રાજકોટ સહિત સમગ્ર સૌરાષ્ટ્રની ધર્મપ્રેમી જનતા માટે આજથી આધ્યાત્મિક માહોલ સર્જાવાનો છે. બાગેશ્વરધામ (Bageshwar Dham Rajkot) સરકારના પંડિત ધીરેન્દ્ર કૃષ્ણ શાસ્ત્રી (Dhirendra Krishna Shastri) આજે 5 જૂન, 2026ના રોજ રાજકોટ પહોંચી રહ્યા છે. સૌરાષ્ટ્ર સનાતન સમિતિ દ્વારા આયોજિત ત્રણ દિવસીય ‘સનાતન સેતુ હનુમાન કથા’ અને દિવ્ય દરબાર કાર્યક્રમ રાજકોટના રેસકોર્સ મેદાન ખાતે યોજાશે.
આ મહોત્સવ 5, 6 અને 7 જૂન દરમિયાન યોજાનાર છે, જેમાં હજારો ભક્તો ઉમટે તેવી શક્યતા વ્યક્ત કરવામાં આવી રહી છે. આયોજકોના જણાવ્યા અનુસાર, કાર્યક્રમનો મુખ્ય હેતુ હિન્દુ સમાજને સંગઠિત કરવો, યુવાનોમાં સનાતન સંસ્કાર પ્રત્યે જાગૃતિ લાવવી તેમજ હનુમાન ભક્તિ અને રાષ્ટ્રભાવનાનો સંદેશ ફેલાવવાનો છે.
Bageshwar Dham Rajkot: આજે ભવ્ય સ્વાગત, કાલે દિવ્ય દરબાર
ધીરેન્દ્ર કૃષ્ણ શાસ્ત્રી (Dhirendra Krishna Shastri)ના રાજકોટ આગમનને લઈને ભક્તોમાં ભારે ઉત્સાહ જોવા મળી રહ્યો છે. એરપોર્ટથી લઈને કથા સ્થળ સુધી ભવ્ય સ્વાગત યાત્રાનું આયોજન કરવામાં આવ્યું છે. કાલે એટલે કે 6 જૂને મુખ્ય આકર્ષણરૂપ ‘દિવ્ય દરબાર’ યોજાશે, જેમાં મોટી સંખ્યામાં લોકો ઉપસ્થિત રહે તેવી સંભાવના છે. આયોજકો દ્વારા બેઠક વ્યવસ્થા, પાર્કિંગ, પીવાના પાણી, સુરક્ષા અને ટ્રાફિક મેનેજમેન્ટ માટે ખાસ આયોજન કરવામાં આવ્યું હોવાનું જણાવાયું છે.
EV વાહનોનો અનોખો પ્રયોગ
આ કાર્યક્રમમાં પર્યાવરણ સંરક્ષણનો સંદેશ આપવા માટે વિશેષ પહેલ કરવામાં આવી છે. ધીરેન્દ્ર શાસ્ત્રીના એરપોર્ટથી કથા સ્થળ સુધીના કાફલામાં માત્ર ઇલેક્ટ્રિક વાહનોનો ઉપયોગ કરવામાં આવશે.આ ઉપરાંત, ભક્તોને પણ શક્ય હોય ત્યાં સુધી EV વાહનો અથવા શેરિંગ સિસ્ટમનો ઉપયોગ કરવાની અપીલ કરાઈ છે. રાજકોટ મનપા સાથે સંકલન કરીને ઇલેક્ટ્રિક બસોની વિશેષ વ્યવસ્થા પણ ઉભી કરવામાં આવી હોવાનું જાણવા મળે છે.
Bageshwar Dham Rajkot: બાબાના કાર્યક્રમને લઈને વિવાદ
બાબા બાગેશ્વરના રાજકોટ (Bageshwar Dham Rajkot) આગમન પહેલા શહેરમાં વિવાદ પણ ગરમાયો છે. ‘વિજ્ઞાન જાથા’ના જયંત પંડ્યા અને સ્થાનિક આગેવાન પરષોત્તમ પીપળીયા દ્વારા ધીરેન્દ્ર શાસ્ત્રીના કથિત ચમત્કારો સામે ખુલ્લો પડકાર ફેંકવામાં આવ્યો છે.વિરોધીઓએ બાબા પર અંધશ્રદ્ધા ફેલાવવાનો આરોપ લગાવ્યો છે અને જાહેરમાં તેમના દાવાઓને સાબિત કરવાની માંગ કરી છે. પરષોત્તમ પીપળીયાએ વર્ષ 1997ના એક જૂના અપહરણ કેસનો ઉકેલ લાવી બતાવવાની ચેલેન્જ પણ આપી હોવાનું ચર્ચાઈ રહ્યું છે.
બાબા બાગેશ્વર (Bageshwar Dham Rajkot)નો જવાબ
વિવાદ વચ્ચે ધીરેન્દ્ર કૃષ્ણ શાસ્ત્રી (Dhirendra Krishna Shastri)એ વિરોધીઓની ચેલેન્જ સ્વીકારતા જણાવ્યું છે કે, જેને પણ શંકા હોય તેઓ ખુલ્લા મનથી દિવ્ય દરબારમાં આવી શકે છે.બીજી તરફ આયોજકોનું કહેવું છે કે આ પ્રકારનો વિરોધ સનાતન ધર્મના સંગઠનાત્મક કાર્યોને અટકાવવાનો પ્રયાસ છે. હાલ સમગ્ર રાજકોટમાં આ કાર્યક્રમને લઈને ભારે ચર્ચા અને ઉત્સુકતા જોવા મળી રહી છે.
આ પણ વાંચો:રાજકોટમાં બાબા ધીરેન્દ્ર શાસ્ત્રીના દિવ્ય દરબાર પહેલાં જ વિવાદ, માહોલ ગરમ
આ પણ વાંચો:બાગેશ્વર ધામમાં મોટો અકસ્માત,ધીરેન્દ્ર શાસ્ત્રીના જન્મદિવસ પહેલા ટીન શેડ ધરાશાયી…
આ પણ વાંચો:ધીરેન્દ્ર શાસ્ત્રીના હરિહર મંદિરના નિવેદનને લઈને પંજાબમાં બબાલ
