દિલ્હી
હાલ ઇન્કમટેક્સ ફાઇલ કરવાવાળા દેશના કરદાતાઓ કર ભરવાની તૈયારીમાં લાગ્યા છે ત્યારે હવે ચીટરો પણ સક્રિય બની ગયા છે.કદાચ આનો અનુભવ તમને પણ થયો હશે. હાલ લોકોને તેમના મેઇલ આઇડી પર એક એવો મેઇલ મળી રહ્યો છે જે ઇન્ક્મટેક્સ ડિપાર્ટમેન્ટના મેઇલ આઇડી જેવો લાગે.આ મેઇલમાં લખવામાં આવ્યું હોય છે કે તમારૂ આઇટી રીફંડ મેળવવા માટે તમારી નેટ બેંકિંગ્સની વિગતો અહીં આપી દો.
જે મેઇલ આઇડી પરથી આ મેઇલ આવી રહ્યો છે તેની આઇડી હોય છે, નકલી છે
જ્યારે ઇન્ક્મટેક્સ ડિપાર્ટમેન્ટનો સાચો ઇમેલ આઇડી છે,
આમ આઇટી ડિપાર્ટમેન્ટનું મુળ આઇડી અને બોગસ આઇડીમાં એક શબ્દનો ફરક રાખવામાં આવ્યો છે.નકલી મેઇલ આઇડીમાં filling લખવામાં આવ્યું છે,જ્યારે સરકારી મેઇલ આઇડીમાં efiling લખેલું જોવા મળે છે.આ બંને વચ્ચે l અને ll નું અંતર પણ જોવા મળે છે.આમ એક નાના સ્પેલિંગનો ફેરફાર કરીને ચીટરો દેશના લાખો કરદાતાઓના બેંકની વિગતો મેળવી રહ્યાં છે.
આ અંગે આઇટીના પ્રવક્તાએ કહ્યું કે અમે આ નકલી મેઇલ આઇડી વિશે અમારી વેબસાઇટ પર ચેતવણીઓ આપીએ છીએ.અમે ટેક્સ ચુકવનારા કરદાતાઓને પણ મેઇલ મોકલીને આ અંગે સાવધાની રાખવાનું જણાવીએ છીએ.અમે ક્યારેય કોઇની બેંક કે ક્રેડિટ કાર્ડની વિગતો માંગતા નથી.
દેશના જાણીતા ચાર્ટડ એકાઉન્ટ પણ વોટ્સ એપ ગ્રુપ અને બીજા માધ્યમો દ્રારા આવા મેઇલ અંગે લોકોને સાવચેત રહેવા જણાવી રહ્યાં છે.આવા મેસેજમાં લખ્યું છે કે જે લોકોને રિફંડ આપવાના મેસેજ મળી રહ્યાં છે છે તેમને કહી દઇએ કે આવા મેસેજની અવગણના કરો આવા મેસેજ હેકર્સ પણ મોકલી શકે છે.જો ઇન્ક્મટેક્સ ડિપાર્ટમેન્ટને રિફંડ આપવું હશે તો યોગ્ય નોટિસ આપીને જ આપને જાણ કરશે.
