જમ્મુ-કાશ્મીર નેશનલ પેન્થર્સ પાર્ટીના સંસ્થાપક અને વરિષ્ઠ નેતા ભીમ સિંહનું નિધન થયું છે. આજે સવારે જમ્મુમાં તેમણે અંતિમ શ્વાસ લીધા હતા. તેઓ 80 વર્ષના હતા અને ઘણા સમયથી બીમાર હતા. સવારે 8:45 વાગ્યે તેમને હોસ્પિટલ લઈ જવામાં આવ્યા, જ્યાં ડોક્ટરોએ તેમને મૃત જાહેર કર્યા. નેશનલ પેન્થર્સ પાર્ટીના નેતા છેલ્લા ઘણા મહિનાઓથી બીમાર હતા. બીજેપી નેતા દેવેન્દ્ર સિંહ રાણાએ ભીમ સિંહના નિધન પર શોક વ્યક્ત કર્યો છે.
તેમણે ટ્વિટર પર લખ્યું, ‘પ્રોફેસર ભીમ સિંહ જીના નિધનથી અમે એક મહાન નેતા ગુમાવ્યા છે, જેમણે હંમેશા J&Kના લોકોના દરેક વર્ગનો અવાજ ઉઠાવ્યો હતો. તેઓ એક ફાયરબ્રાન્ડ નેતા હતા જેઓ રામનગરના એક દૂરના ગામડાના રહેવાસી હતા અને સમગ્ર વિશ્વમાં પોતાની ઓળખ બનાવી હતી. ભીમ સિંહનો જન્મ ઓગસ્ટ 1941માં રામનગરમાં થયો હતો અને તેમણે 1982માં પેન્થર્સ પાર્ટીની સ્થાપના કરી હતી. તેમણે લગભગ 30 વર્ષ સુધી પ્રમુખ પદ સંભાળ્યું હતું અને 2012માં તેમના ભત્રીજા હર્ષદેવ સિંહને કમાન સોંપી હતી.
જો કે, તેઓ ગયા વર્ષે ફરી એકવાર સક્રિય રાજકારણમાં પાછા ફર્યા અને પેન્થર્સ પાર્ટીના પ્રમુખ તરીકે ચૂંટાયા. પેન્થર્સ પાર્ટી ખાસ કરીને જમ્મુ ક્ષેત્રના લોકોનો અવાજ ઉઠાવવા માટે જાણીતી છે. ભીમ સિંહના પરિવારમાં હવે તેની પત્ની અને પુત્રી છે.
આ પણ વાંચો:કાલથી મોંઘો થઈ શકે છે LPG, આજે બુક કરશો તો રાહત!
આ પણ વાંચો:યુદ્ધની વાસ્તવિકતા દર્શાવવા આ પત્રકારે કર્યું વું કે, તેનો જ જીવ મુકાયો જોખમમાં…
આ પણ વાંચો:અદ્ભુત પુલ, પગપાળા-ઓટો-સાયકલ પર કોઈને પ્રવેશ નહીં, કારણ જાણીને ચોંકી જશો
