ભાજપે વિધાનસભા ચૂંટણીને અનુલક્ષીને પોતાના ઉમેદવારોની પ્રથમ યાદી જાહેર કરી દીધી છે. પરંતુ આ યાદી જાહેર થયા બાદ ઉમેદવારો સામે ભારે અસંતોષ જોવા મળી રહ્યો છે. વડોદરાના ધારાસભ્ય મધુ શ્રીવાસ્તવ જેવા નેતાઓ ભાજપ સામે બળવાના મુડમાં છે. તો મહુવાથી રાઘવજી મકવાણાના સમર્થનમાં 300 કાર્યકર્તાઓએ રાજીનામા આપી દીધા છે. કચ્છમાં પણ વિરોધ સામે આવ્યો છે. બીજી તરફ ભાજપની 160 ઉમેદવારોની યાદીમાં 15 નેતાઓ તો મુળ કોંગ્રેસી છે. જેમને ભાજપે ટિકિટ આપીને મેદાને ઉતાર્યાં છે. પોતાના ઉમેદાવરને બાદ કરતા બીજા પક્ષમાંથી આવેલા ઉમેદવારોને ટિકિટ આપતા હવે ભાજપમાં પણ ભડકા જેવી સ્થિતી સર્જાઇ છે.
ઉલ્લેખનીય છે કે એવી ચર્ચાઓ થઇ રહી છે કે અમે તો વર્ષોથી ટિકિટની રાહ જોઇને બેઠા છીએ, પાર્ટી માટે ઘણી મહેનત કરી છે અને આજકાલમાં ભાજપમાં આવેલા લોકોને ટિકિટ મળી રહી છે. અમારી મહેનત પાણીમાં જઇ રહી છે. આ ઉપરાંત અનેક એવી બેઠકો છે કે થોડા સમય પહેલા જ કોંગ્રેસમાંથી ભાજપમાં આવેલા નેતાઓને પાર્ટીએ ટિકિટ આપી દીધી છે. એક દિવસ પહેલા જ ભાજપમાં જોડાયેલા ભગા બારડને ટિકિટ મળી છે, બે દિવસ પહેલા ભાજપમાં ગયેલા મોહન રાઠવાના પુત્ર રાજેન્દ્રસિંહને પણ ટિકિટ મળી છે.
નોંધનીય છે કે કોંગ્રેસમાંથી તાજેતરમાં ભાજપમાં જોડાયેલા નેતાને આગળ કરવામાં આવ્યા છે. જેમાં ભગા બારડ તલાલા,
રાજેન્દ્રસિંહ મોહન રાઠવા છોટાઉદેપુર, હર્ષદ રિબડિયા વિસાવદર, કુંવરજી બાવળિયા જસદણ, જવાહર ચાવડા માણાવદર, જીતુ ચૌધરી, કપરાડા, હાર્દિક પટેલ, વિરમગામ, રાઘવજી પટેલ, જામનગર ગ્રામ્ય, જયેશ રાદડીયા, જેતપુર, પ્રદ્યુમ્નસિંહ જાડેજા, અબડાસા બળવંતસિંહ રાજપૂત સિદ્ધપુર, અશ્વિન કોટવાલ ખેડબ્રહ્મા, જયદ્રથ સિંહ પરમાર હાલોલ, જેવી કાકડિયા ધારી અને રાજેશ ઝાલા- કપડવંજ, કઠલાલના ઉમેદવારનો સમાવેશ થાય છે.
