46 વર્ષીય બોલિવૂડ એક્ટ્રેસ રંભાની કારનો અકસ્માત થયો છે. આ અકસ્માતમાં રંભાની કારનો કચ્ચરઘાણ થઈ ગયો હતો. કારમાં તેની પુત્રી અને આયા હતાં. તેમની પુત્રીને હોસ્પિટલમાં દાખલ કરવામાં આવી છે. રંભાએ તેના ઇન્સ્ટાગ્રામ પર અકસ્માતના સમાચાર સાથે કારના ફોટા પણ શેર કર્યા છે. ફોટામાં જોઈ શકાય છે કે તેની કાર ખરાબ રીતે ક્ષતિગ્રસ્ત થઈ ગઈ છે. ફોટો શેર કરતા તેણે લખ્યું- સ્કૂલથી બાળકો ઘરે જઈ રહ્યા હતા ત્યારે અમારી કાર બીજી કાર સાથે અથડાઈ, બાળકો અને આયા મારી સાથે કારમાં હતા. અમે બધા ઠીક છીએ, અમને નાની-મોટી ઈજાઓ છે પણ મારી નાની સાશા હજી હોસ્પિટલમાં છે, કૃપા કરીને અમારા માટે પ્રાર્થના કરો. તમારી પ્રાર્થના અમારા માટે ખૂબ મહત્વ ધરાવે છે. તેમણે હોસ્પિટલમાં દાખલ તેમની પુત્રીનો ફોટો પણ શેર કર્યો છે, જેમાં તે બેડ પર સૂતેલી જોઈ શકાય છે અને ડોક્ટર તેની સારવાર કરી રહ્યા છે. ચાહકો તેના શેર કરેલા ફોટા પર સતત પ્રતિક્રિયા આપી રહ્યા છે અને અભિનેત્રીના પરિવાર માટે પ્રાર્થના કરી રહ્યા છે.
રંભાએ ચાહકોને કરી વિનંતી
રંભા તેની પુત્રી માટે ખૂબ ચિંતિત છે, જે હોસ્પિટલમાં દાખલ છે. તેણે ચાહકોને તેની પુત્રી માટે પ્રાર્થના કરવા વિનંતી કરી છે. તેની પોસ્ટ પર, પ્રશંસકો સાથે સેલેબ્સ પણ તેનું સ્વાસ્થ્ય પૂછી રહ્યા છે અને તેને આ મુશ્કેલ સમયમાં મજબૂત રહેવાની સલાહ આપી રહ્યા છે. આપને જણાવી દઈએ કે તેમણે તેના ઈન્સ્ટાગ્રામ પર સતત ત્રણ ફોટા શેર કર્યા છે. પહેલો ફોટો તેની પુત્રી સાશાનો છે, જે હોસ્પિટલના બેડ પર માસ્ક પહેરીને સૂતી જોવા મળે છે. તેની સાથે બે ડોક્ટરો પણ જોવા મળી રહ્યા છે. બીજો ફોટો કારનો છે, જેની હાલત ખૂબ જ ખરાબ દેખાઈ રહી છે. કારનો આગળનો ગેટ સંપૂર્ણપણે ક્ષતિગ્રસ્ત થયો છે. ત્રીજા ફોટામાં કારનો આગળનો ભાગ દેખાય છે.
View this post on Instagram
રંભા બોલીવુડ અભિનેત્રી રહી ચુકી છે
આપને જણાવી દઈએ કે રંભા ઘણા સમયથી એક્ટિંગની દુનિયાથી દૂર પોતાના પારિવારિક જીવનમાં વ્યસ્ત છે. તેમણે બોલિવૂડની ઘણી ફિલ્મોમાં કામ કર્યું છે. તેઓએ જુડવા, ક્યૂંકી મેં જુઠ નહીં બોલતા, ઘરવાલી બહારવાલી, જંગ, બંધન, ક્રોધ, ફાંસી, દાનવીર જેવી ઘણી ફિલ્મોમાં કામ કર્યું છે. તેણે સલમાન ખાન, અજય દેવગન, ગોવિંદા, અનિલ કપૂર, મિથુન ચક્રવર્તી જેવા સુપરસ્ટાર્સ સાથે સ્ક્રીન શેર કરી હતી. બોલિવૂડ સિવાય તેમણે સાઉથની ઘણી ફિલ્મોમાં પણ કામ કર્યું છે. પછી તેમણે એક્ટિંગ છોડી દીધી અને સેટલ થઈ ગયા. રંભાએ 2010માં ઈન્દ્રન પથમનાથન સાથે લગ્ન કર્યા હતા. દંપતીને 2 બાળકો છે.
આ પણ વાંચો:ફરીવાર હિંદુ મંદિર પર હુમલો, મા કાળીની મૂર્તિ તોડીને આરોપીઓ ગાયબ, વાંચો સંપૂર્ણ વિગતો
આ પણ વાંચો:મોરબી દુર્ઘટનાને લઈને બીજી નવેમ્બરે રાજ્યવ્યાપી શોક જાહેર
આ પણ વાંચો:ગુજરાતમાં પાક., અફઘાન, બાંગ્લાદેશના લઘુમતીઓને નાગરિકતા આપવાનો નિર્ણય
