France News: વિશ્વની સૌથી તીક્ષ્ણ ગણાતી ડ્યુરેન્ડર તલવાર ફ્રાન્સના રોકામાડોર શહેરથી ગુમ થઈ ગઈ છે. હાલમાં તેના ગુમ થવાનું કારણ હજુ સુધી જાણી શકાયું નથી. એવું કહેવામાં આવી રહ્યું છે કે કોઈએ ચોરી કરી છે. ખાસ વાત એ છે કે આ તલવાર 1300 વર્ષથી વધુ સમયથી એક ખડકમાં દટાયેલી હતી. આ ઘટના બાદ શહેરીજનો અત્યંત દુ:ખી છે, કારણ કે તેઓએ આ તલવાર સાથે તેમના ભાગ્યના તારને જોડી દીધા હતા.
આ પ્રાચીન તલવારને ફ્રેન્ચ એક્સકેલિબર તરીકે પણ ઓળખવામાં આવે છે. એવું કહેવાય છે કે 8મી સદીમાં એક દેવદૂતે આ તલવાર રોમન રાજા શાર્લમેગનને આપી હતી. આ પછી, શાર્લમેને આ જાદુઈ તલવાર તેના સૌથી પ્રિય સૈનિક રોલેન્ડને ભેટમાં આપી. હાલ તો પોલીસે પણ આ ઘટના અંગે તપાસ શરૂ કરી છે.
તે શહેરની મુલાકાતે આવતા પ્રવાસીઓ અને સ્થાનિકોમાં એક મોટું આકર્ષણ હતું. આ તલવારની જાદુઈ ક્ષમતાઓનો ઉલ્લેખ 11મી સદીની કવિતામાં પણ કરવામાં આવ્યો હતો. આ તલવારને લઈને ઘણી વાર્તાઓ પ્રચલિત છે. ઉદાહરણ તરીકે, એવું માનવામાં આવે છે કે તલવાર એક જ પ્રહારથી પથ્થરને પણ કાપી શકે છે. રોલેન્ડે યુદ્ધમાં મરતા પહેલા આ તલવારનો નાશ કરવાનો પ્રયાસ કર્યો હતો, જેથી દુશ્મનો તેનો ઉપયોગ ન કરી શકે.
જોકે, તે તલવાર તોડી શક્યો નહોતો. બાદમાં તેણે તલવારને હવામાં ફેંકી અને તે કેટલાંક કિલોમીટરનું અંતર કાપીને ફ્રાન્સના શહેર રોકામાડોર પહોંચી. એક મીડિયા રિપોર્ટ અનુસાર, મેયર ડોમિનિક લેનફાને એક ફ્રેન્ચ અખબાર સાથેની વાતચીતમાં કહ્યું, ‘અમે દુરાંડલને ખૂબ જ મિસ કરીશું. તે સદીઓથી રોકામાડોરનો એક ભાગ હતો અને એક પણ માર્ગદર્શક એવો નહોતો કે જેણે પ્રવાસ દરમિયાન તેના વિશે વાત ન કરી હોય.’
આ પણ વાંચો: આ છે રાજસ્થાનના ચમત્કારી પથ્થરો, જેમાં દૂધ ઉમેરતા જ દહીં બને છે
આ પણ વાંચો: શિક્ષકે થપ્પડ મારતાં કસમ ખાધી, 66 વર્ષથી નખ કાપ્યા નથી અને…
