બોલીવૂડમાં હિટ ફિલ્મની સિકવલ બનાવવાની ચાલી રહેલી રસમ વચ્ચે વધુ એક સિકવલ બનશે. જોન અબ્રાહમની ફિલ્મ સત્યમેવ જયતે ગયા વર્ષે રિલીઝ થઇ હતી અને હિટ પણ નિવડી હતી. આ ફિલ્મે બોકસ ઓફિસ પર સારી કમાણી કરી હતી. હવે આ ફિલ્મની સિકવલ બનાવવાનો નિર્ણય નિર્માતાઓએ કર્યો છે. સત્યમેવ જયતેનું નિર્દેશન મિલાપ ઝવેરીએ કર્યુ હતું. તેણે હવે સિકવલની સ્ક્રિપ્ટ પર કામ શરૂ કરી દીધું છે. આ ફિલ્મનું શુટીંગ જુલાઇ કે ઓગષ્ટમાં શરૂ થઇ જશે અને આવતા વર્ષે રિલીઝ કરવામાં આવશે.