Shocking !/ ભેંસ ગળી ગઈ અઢી તોલા સોનાનું મંગળસૂત્ર, ડોક્ટરે પેટ ચીરીને બહાર કાઢ્યું, આવ્યા 65 ટાંકા

ખેડૂતની પત્નીએ ન્હાવા જતી વખતે પોતાનું મંગળસૂત્ર, સોયાબીન અને મગફળીના છાલથી ભરેલી થાળી છુપાવીને મૂકી દીધી હતી. સ્નાન કર્યા પછી, તેને તે જ છાલવાળી થાળી અને વાસણ ભેંસની સામે  ખાવા માટે મૂકી અને ઘરનું કામ કરવા લાગી.

India
Buffalo swallowed two and a half tola gold mangalsutra, doctor opened stomach and took out, got 65 stitches

મહારાષ્ટ્રના વાશિમ જિલ્લામાંથી એક વિચિત્ર કિસ્સો સામે આવ્યો છે. અહીં એક ભેંસ રૂ.1.25 લાખનું મંગલસૂત્ર ગળી ગઈ હતી. ડોક્ટરોએ ઓપરેશન કરીને ભેંસના પેટમાં ચીરો કર્યો, ત્યાર બાદ જ અઢી તોલા વજનનું મંગળસૂત્ર બહાર કાઢ્યું. આ સર્જરીમાં ભેંસને 65 ટાંકા લેવા પડ્યા હતા.

આ કિસ્સો જિલ્લાના સરસી ગામનો છે. ખેડૂત રામહરીની પત્નીએ ન્હાવા જતા તેનું મંગળસૂત્ર સોયાબીન અને મગફળીના છાલથી ભરેલી થાળીમાં છુપાવી દીધું હતું. સ્નાન કર્યા પછી, તેને તે જ છાલવાળી થાળી અને વાસણ ખાવા માટે ભેંસની સામે મૂક્યા અને ઘરનું કામ કરવા લાગી.

દોઢથી બે કલાક પછી તેને ખ્યાલ આવ્યો કે તેના ગળામાં મંગળસૂત્ર નથી. લાંબા સમય સુધી શોધ્યા પછી તેને યાદ આવ્યું કે તેણે મંગલસૂત્રને થાળીમાં રાખ્યું હતું. તે દોડીને ભેંસ પાસે ગઈ અને જોયું કે ભેંસ છાલ ખાતી હતી અને થાળી ખાલી હતી. તેણે તરત જ તેના પતિને આ વાત જણાવી. ખેડૂત રામહરી ભોયરે વાશિમના વેટરનરી ઓફિસર બાલાસાહેબ કૌંદાનેને ફોન પર જણાવ્યું હતું. ડૉક્ટરે ભેંસને વાશીમ લઈ આવવા કહ્યું.

ખેડૂત રામહરી તેની ભેંસો સાથે વાશિમની પશુપાલન કચેરીએ પહોંચ્યો હતો. ડોક્ટરે મેટલ ડિટેક્ટર વડે ભેંસના પેટની તપાસ કરતાં પેટમાં કંઈક હોવાનું જણાયું હતું. બીજા દિવસે ભેંસના પેટનું ઓપરેશન કરવામાં આવ્યું હતું.

વેટરનરી ઓફિસર ડો.બાલાસાહેબ કૌંદાનેએ જણાવ્યું હતું કે 65 ટાંકાનું આ ઓપરેશન બે થી અઢી કલાક ચાલ્યું હતું. આ પછી ભેંસના પેટમાંથી સોનાનું મંગળસૂત્ર કાઢી લેવામાં આવ્યું હતું. તબીબે તમામ પશુપાલકોને ઘાસચારો કે અન્ય કંઈપણ ખવડાવતી વખતે થોડી સાવધાની રાખવા વિનંતી કરી છે.

આ પણ વાંચો:Uttar Pradesh/જમીન વિવાદમાં એક જ પરિવારના 6 લોકોની ગોળી મારીને હત્યા

આ પણ વાંચો:breaking/દિલ્હીમાંથી મોસ્ટ વોન્ટેડ આતંકીની ધરપકડ, NIAએ 3 લાખનું ઈનામ રાખ્યું હતું

આ પણ વાંચો:Gandhi Jayanti/ગાંધીજીને બાપુ, રાષ્ટ્રપિતા અને મહાત્માનું બિરુદ કોણે અને શા માટે આપ્યું?