રવિવારે મધ્યપ્રદેશનાં બડા મલ્હારાથી કોંગ્રેસનાં ધારાસભ્ય પ્રદ્યુમનસિંહ લોધી ભાજપમાં જોડાઇ ગયા છે. વિધાનસભામાં પ્રોટેમ સ્પીકર રામેશ્વર શર્માએ ધારાસભ્ય લોધીનું રાજીનામું સ્વીકાર્યું હતું. તેમણે સીએમ શિવરાજસિંહ ચૌહાણની સામે ભાજપનું સભ્યપદ લીધું, આ દરમિયાન ભાજપનાં પ્રદેશ અધ્યક્ષ વી.ડી.શર્મા પણ તેમની સાથે હતા.
ધારાસભ્ય પદ પરથી રાજીનામું આપ્યા બાદ લોધીએ કહ્યું કે, હું બુંદેલખંડનાં વિકાસ માટે ભાજપમાં આવ્યો છું. ભાજપ દ્વારા તૈયાર કરાયેલા આ ક્ષેત્રનાં વિકાસ માટેનો માર્ગમેળ બુંદેલખંડની જનતાને ઘણી સુવિધાઓ પુરી પાડશે. બધાની સામે તેમને ઔપચારિક રીતે ભાજપ કાર્યાલયમાં સભ્યપદ આપવામાં આવ્યું હતું.
પેટા ચૂંટણી પહેલા કોંગ્રેસ માટે આ મોટો આંચકો માનવામાં આવે છે. અગાઉ, જ્યોતિરાદિત્ય સિંધિયાનાં તરફી ધારાસભ્યોએ રાજીનામું આપ્યું હતું અને કોંગ્રેસ સરકારને પાડી હતી. તે પ્રકાશમાં આવી રહ્યું છે કે પ્રદ્યુમનસિંહ લોધી છેલ્લા કેટલાક દિવસોથી ઉમા ભારતી અને ભાજપનાં અન્ય નેતાઓ સાથે સંપર્કમાં હતા.
તાજેતરમાં, તેમણે સીએમ શિવરાજસિંહ ચૌહાણની પણ મુલાકાત લીધી હતી. નોંધપાત્ર વાત એ છે કે ઉમા ભારતી બડા મલ્હારાથી મધ્યપ્રદેશનાં મુખ્યમંત્રી બન્યા હતા. માનવામાં આવે છે ટીકમગઢનાં ક્ષેત્રમાં ઉમા ભારતીનો દબદબો છે. લોધી પણ તેમના જ સમાજમાંથી આવે છે, તેથી તેઓ પોતાના ક્ષેત્રનાં કોંગ્રેસનાં ધારાસભ્યને ભાજપમાં લાવ્યા.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને Facebook, Twitter, Instagram અને YouTube પર પણ લાઇક અને ફોલો કરીશકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “MantavyaNews” ની નવી મોબાઇલ એપ્લિકેશન.
