દિલ્હી મર્કઝ કેસમાં સાકેત કોર્ટે 275 થી વધુ વિદેશી જમાતીઓને સજા સંભળાવી છે. વિદેશી જમાતીઓને ટિલ રાઇઝિંગ કોર્ટમાં એટલે કે કોર્ટ રૂમમાં એક દિવસ ઉભા રહેવાની સજા આપવામાં આવી છે. તમામ વિદેશી જમાતીઓ પર 5 થી 10 હજાર રૂપિયાનો દંડ ફટકારવામાં આવ્યો છે.

વિદેશી જમાતીઓએ કોર્ટ સમક્ષ તેમની ભૂલ સ્વીકારી અને કબૂલાત કરી કે તેઓએ કોરોના રોગચાળાનાં નિયમોનું ઉલ્લંઘન કર્યું છે. આ ઉપરાંત, ફોરેન એક્ટ, ડિઝાસ્ટર મેનેજમેન્ટ એક્ટ અને આઈપીએસનાં અનેક કલમોનું ઉલ્લંઘન કરવામાં આવ્યું છે. તે બધા વિદેશી જમાતી, ચીન, નેપાળ, ઇન્ડોનેશિયા, વિજી, ઓસ્ટ્રેલિયા અને અન્ય દેશોનાં મર્કઝમાં જોડાવા માટે ભારત આવ્યા હતા.

આપને જણાવી દઇએ કે, મર્કઝ કેસમાં, 31 માર્ચે દિલ્હી પોલીસે અનેક કડક કલમો હેઠળ કેસ નોંધ્યા હતા. 13 માર્ચનાં રોજ મોટી સંખ્યામાં લોકો મર્કઝ પર ભારત અને વિદેશથી જમાતની મુલાકાતે આવ્યા હતા, એવો આરોપ છે કે વિદેશી જમાતીઓ પ્રવાસી વિઝા પર ભારતની મુલાકાતે આવ્યા હતા પરંતુ તેઓ અહીંની ધાર્મિક પ્રવૃત્તિઓમાં સામેલ થયા. એટલું જ નહીં, આ લોકોની બેદરકારીનાં કારણે કોરોના વાયરસનો ચેપ વધુ ફેલાયો હતો.

નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…

તમે અમને Facebook, Twitter, Instagram અને YouTube પર પણ લાઇક અને ફોલો કરીશકો છો.