આરોગ્ય મંત્રાલયે દેશભરમાં કોરોના વાયરસનાં દર્દીઓની વધતી સંખ્યા વચ્ચે ગુરુવારે રાહતનાં સમાચાર આપ્યા છે. દૈનિક અપડેટમાં, આરોગ્ય મંત્રાલયનાં જોઇન્ટ સેક્રેટરી લવ અગ્રવાલે જણાવ્યું હતું કે કોરોના દર્દીઓમાં રિકવરીનો દર હવે વધ્યો છે. છેલ્લા 24 કલાકમાં, 630 ચેપગ્રસ્ત લોકો રિકવર થયા છે, જે પછી દેશમાં એકંદર રિકવરી દર 25.1 ટકા પર પહોંચી ગયો છે. વળી, ભારતમાં રોગચાળા દ્વારા કુલ 33,050 લોકોને ચેપ લાગ્યો છે, જેમાંથી સક્રિય કોરોના કેસ 23,651 છે.
નોંધપાત્ર વાત એ છે કે, વિશ્વનાં દેશોમાં કોરોનાનાં દર્દીઓની સંખ્યામાં વધારો થયો છે. ચેપગ્રસ્ત લોકોની સંખ્યા 32 લાખને વટાવી ગઈ છે. ભારતમાં પણ, કોરોના દર્દીઓની સંખ્યા ઝડપથી વધી રહી છે, જેણે સરકાર અને આરોગ્ય સેવાઓની ચિંતા વધારી દીધી છે. ગુરુવારે લવ અગ્રવાલે કહ્યું કે, છેલ્લા 24 કલાકમાં 1,780 નવા કેસ નોંધાયા છે. કુલ કોરોના પોઝિટિવ કેસ 33,050 છે જેમાંથી સક્રિય કોરોના કેસ 23,651 છે. વળી, છેલ્લા 24 કલાકમાં 630 લોકો ઠીક થઇ ચુક્યા છે, અત્યાર સુધીમાં કુલ 8,324 લોકો ઠીક થઇ ચુક્યા છે. લવ અગ્રવાલે વધુમાં જણાવ્યું છે કે, 14 દિવસ પહેલાનો રિકવરી રેટ 13.06 ટકા હતો, જે હવે વધીને 25.1 ટકા થયો છે. આ સાથે, કોરોનાનાં દર્દીઓનું મૃત્યુ દર 3.2 ટકા નોંધાયું છે, જેમાંથી 65 ટકા પુરુષ અને 35 ટકા મહિલા દર્દીઓ છે.
Recovery rate of #COVID19 cases stands at 25.19% which was 13.06% 14 days ago. Fatality rate is 3.2%. Comorbidities was found in COVID-19 patients in 78% of the deaths. Doubling rate of the cases has now increased to 11 days: Lav Agrawal, Joint Secy, Health Ministry https://t.co/X5WKTS5YCH
— ANI (@ANI) April 30, 2020
