કોરોનાવાયરસનાં કહેર વચ્ચે બોલિવૂડનાં પ્રખ્યાત ફિલ્મ નિર્માતા હંસલ મહેતાએ જમ્મુ-કાશ્મીર પોલીસનાં બરતરફ ડીએસપી દેવીંદર સિંહ વિશે ટ્વીટ કર્યું છે, જે ખૂબ વાયરલ થઈ રહ્યું છે. હંસલ મહેતાએ પોતાના ટ્વિટમાં કહ્યું હતું કે, દેવીંદર સિંહ ક્યાં છે. હંસલ મહેતાનાં આ ટ્વીટ અંગે સોશિયલ મીડિયા યૂઝર્સ પણ ઘણી ટિપ્પણી કરી રહ્યા છે. આપને જણાવી દઈએ કે, સંવેદનશીલ શ્રીનગર આંતરરાષ્ટ્રીય વિમાનમથક પર તૈનાત ડીએસપી દેવિંદર સિંહની હિંઝબુલ મુજાહિદ્દીન આતંકવાદી નવીદ બાબુ સાથે કુલગામ જિલ્લાનાં વનપોહ ખાતેથી ધરપકડ કરવામાં આવી હતી.

ફિલ્મ નિર્માતા હંસલ મહેતાએ દેવિંદર સિંહ પર સવાલ ઉઠાવતા લખ્યું, “હું આ પ્રશ્નનું પુનરાવર્તન કરું છું. દેવીંદર સિંહ ક્યાં છે?” તેમનું ટ્વીટ બોલિવૂડનાં પ્રખ્યાત નિર્દેશક અનુભવ સિન્હા દ્વારા પણ કરવામાં આવ્યું હતું, જેણે સૌનું ધ્યાન ખેંચ્યું હતું. અનુભવ સિંહાએ પોતાના ટ્વિટમાં દેવિંદર સિંહને લગતો બીજો એક સવાલ પૂછ્યો અને લખ્યું, “હું એક વધુ સવાલ ઉમેરી રહ્યો છું. શું તે એક જ હતો?” આપને જણાવી દઈએ કે બોલિવૂડ ફિલ્મ નિર્માતા હંસલ મહેતા તેની ફિલ્મો તેમજ તેમના બેબાક વિચારો માટે પણ જાણીતા છે. તે ઘણીવાર સમકાલીન મુદ્દાઓ પર પોતાનો અભિપ્રાય રજૂ કરતા રહે છે.

Repeating the question. Where is Davinder Singh?

— Hansal Mehta (@mehtahansal) May 7, 2020

આપને જણાવી દઈએ કે, દેવિંદર સિંહ પર આતંકવાદીઓ લઇ જવા અને પોતાના ઘરમાં આશ્રય આપવાનો આરોપ છે. તેના ઘર પર દરોડામાં શસ્ત્રો મળી આવ્યા હતા અને ત્યારબાદ અન્ય સ્થળોએથી પણ હથિયારો મળી આવ્યા હતા. નેશનલ ઇન્વેસ્ટીગેશન એજન્સી (એનઆઈએ) એ વિસ્ફોટકો ધરાવતા આર્મ્સ એક્ટ સહિત ગેરકાયદેસર પ્રવૃત્તિ નિવારણ અધિનિયમ (યુએપીએ) ની વિવિધ કલમો હેઠળ તેની વિરુદ્ધ કેસ નોંધ્યો છે. 2013 માં, દેવિંદર સિંહ ત્યારે ચર્ચામાં આવ્યો હતો જ્યારે સંસદ પર હુમલો કરવાનો આરોપી અફઝલ ગુરુ દ્વારા લખાયેલા પત્રમાં દાવો કરવામાં આવ્યો હતો કે અધિકારીએ તેને સંસદનાં હુમલાનાં આરોપીને દિલ્હી લઇ જવા અને તેના રોકુવવાની વ્યવસ્થા કરવા કહ્યું હતું.

Additional question. Is he the only one? https://t.co/CsloifZp3p

— Anubhav Sinha (@anubhavsinha) May 7, 2020

નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…

તમે અમને Facebook, Twitter, Instagram અને YouTube પર પણ લાઇક અને ફોલો કરી શકો છો.