ગૃહ મંત્રાલયે કેનેડા સ્થિત ગેંગસ્ટર લખબીર સિંહ લાંડાને આતંકવાદી જાહેર કર્યો છે. મંત્રાલય દ્વારા આપવામાં આવેલી વિગતો અનુસાર, 33 વર્ષીય ગેંગસ્ટર લખબીર સિંહ લાંડા ખાલિસ્તાની જૂથ બબ્બર ખાલસા ઈન્ટરનેશનલ (BKI)નો છે અને 2021માં મોહાલીમાં પંજાબ પોલીસ ઈન્ટેલિજન્સ હેડક્વાર્ટર પર રોકેટ હુમલાની યોજનામાં સામેલ હતો. લાંડાનું નામ ડિસેમ્બર 2022 માં તરનતારનના સરહાલી પોલીસ સ્ટેશન પર આરપીજી હુમલા તેમજ અન્ય આતંકવાદી પ્રવૃત્તિઓમાં તેની સંડોવણીના સંબંધમાં સામે આવ્યું હતું.
કોણ છે લખબીર સિંહ લાંડા?
લખબીર સિંહ લાંડા મૂળ પંજાબનો છે, પરંતુ છેલ્લા કેટલાક સમયથી કેનેડામાં રહે છે. તે ભારત વિરુદ્ધ ષડયંત્ર રચવામાં સામેલ છે. પંજાબ પોલીસે કેનેડા સ્થિત આતંકવાદીના નજીકના સહયોગીઓ સાથે જોડાયેલા 48 સ્થળો પર દરોડા પાડ્યા હતા. એક વેપારી પર બે હુમલાખોરો દ્વારા હુમલો કરવામાં આવ્યા બાદ આ કાર્યવાહી કરવામાં આવી હતી. વેપારીએ જણાવ્યું હતું કે તેને કોઈ વ્યક્તિનો ફોન આવ્યો હતો જેણે પોતાને લંડા હરિકે હોવાનો દાવો કર્યો હતો અને 15 લાખ રૂપિયાની માંગણી કરી હતી. દરોડા બાદ કેટલાક લોકોની ધરપકડ પણ કરવામાં આવી હતી.
તરનતારન જિલ્લાના રહેવાસી લખબીર સિંહ લાંડા છેલ્લા 11 વર્ષથી પોલીસ માટે કાંટા સમાન છે. તે 2017માં કેનેડા ભાગી ગયો હતો અને તેની સામે 18 કેસ નોંધાયેલા છે. પંજાબમાં, તરનતારન પોલીસે વર્ષ 2022માં ગેંગસ્ટરમાંથી રાજકારણી બનેલા લાખા સિધાના અને કેનેડા સ્થિત ગેંગસ્ટર લખબીર સિંહ લાંડા સહિત 11 લોકો સામે ખંડણીની માંગણી અને સરહદ પારથી હથિયાર અને ડ્રગ્સની દાણચોરીનો કેસ નોંધ્યો હતો. તરનતારન પોલીસે 2 સપ્ટેમ્બરે આ કેસ નોંધ્યો હતો અને કોઈને તેની જાણ થવા દીધી ન હતી. આ મામલો ત્યારે સામે આવ્યો જ્યારે ગુંડાઓના સમર્થકોએ સોશિયલ મીડિયા પર તેને નકલી ગણાવીને અવાજ ઉઠાવવાનું શરૂ કર્યું.
આ પણ વાંચો:
આ પણ વાંચો:
આ પણ વાંચો:
આ પણ વાંચો:
