Surat News : સુરતના ડીંડોલી વિસ્તારમાંથી કાળજું કંપાવી નાખે તેવી ઘટના સામે આવી છે. સંતોક પાર્ક સોસાયટીમાં ચોથા માળેથી બાળક પટકાયું હતું. રમતા રમતા નીચે પટકાતા બાળકને સારવાર માટે હોસ્પિટલ લઇ જવાયું હતું. જ્યાં હોસ્પિટલમાં બાળકનું 12 કલાકની સારવાર બાદ મોત થયું છે.આ ઘટનાના CCTV સામે આવ્યા છે. જેમાં જોઈ શકાય છે કે, બાળક અચાનક જ નીચે પટકાય છે ત્યારે આજુ બાજુ ઉભેલા લોકો તરત જ તે ઘટનાસ્થળે દોડી આવે છે. બાળકને ત્યાંથી ઉચકી લે છે. હોસ્પિટલ લઈ જવાની ગતિવિધિઓ કરે છે.
માતા-પિતા માટે આંખ ઉઘાડતો કિસ્સો સામે આવ્યો છે. કારણ કે, પોતાના નાના બાળકને એકલું મૂકવું કેટલું જોખમી સાબિત થઈ શકે છે, તે આ ઘટના પરથી જાણી શકાય છે. વર્તમાન સમયમાં રમતા રમતા બાળક પાણીમાં પડી જવાથી કે બોરવેલમાં ખાબકી જવાથી કે પછી ધાબા પરથી પડી જવાથી મોતના કિસ્સોઓ વધી રહ્યાં છે.
આ પણ વાંચો:પ્રાંતિજ વિધાનસભાના બેઠક પર ભાજપના ઉમેદવાર ગજેન્દ્રસિંહ પરમારની 70,000ની લીડથી જીત થઈ
