દક્ષિણ ચીન સાગરથી લઈને લદ્દાખ સુધી અવડચંડાઇ કરી રહેલા ચાઈનીઝ ડ્રેગન હવે તેની સુપર પાવરફુલ ત્રીજી આંખને અવકાશમાં તૈનાત કરી છે. ચીનનો આ અત્યાધુનિક ઉપગ્રહ આર્ટિફિશિયલ ઈન્ટેલિજન્સ અને પાવરફુલ કેમેરાથી સજ્જ છે. બેઇજિંગ-3 નામના આ કોમર્શિયલ સેટેલાઇટનું વજન એક ટન છે અને તે દેશમાં રસ્તા પર જતા સૈન્ય વાહનો અને તેના પર લદાયેલા શસ્ત્રોને થોડીક જ સેકન્ડમાં ઓળખી લેશે. ચીનનો આ જાસૂસી ઉપગ્રહ લદ્દાખથી અરુણાચલ સુધી આક્રમકતાનો સામનો કરી રહેલી ભારતીય સેનાની મુશ્કેલીઓ વધારી શકે છે.
સંશોધકોએ ધ સનને જણાવ્યું કે ચીને આ ઉપગ્રહ જૂનમાં લોન્ચ કર્યો હતો અને તાજેતરમાં જ યુએસમાં સાન ફ્રાન્સિસ્કોના એક વિસ્તારને સ્કેન કર્યો હતો. રિપોર્ટમાં કહેવામાં આવ્યું છે કે પૃથ્વીની તપાસ કરતા મોટાભાગના ઉપગ્રહોએ તેમની તસવીર લેતી વખતે સ્થિર રહેવું જરૂરી છે, નહીં તો તસવીરો બગડી જશે. પરંતુ તેનાથી વિપરિત, 16 જૂને, ચીની ઉપગ્રહ યુએસની ઉપરથી પસાર થતી વખતે તેના કેમેરાની દિશા સફળતાપૂર્વક વાળવામાં સફળ રહ્યો હતો.
આ ફેરફારને કારણે ચીનનો ઉપગ્રહ પૃથ્વીના આટલા મોટા ભાગને કેપ્ચર કરી શકશે, જે અત્યાર સુધી કેમેરામાં કેદ થઈ શક્યો નથી. આ તસવીર ચીનના ઉપગ્રહ દ્વારા લગભગ 500 કિમીની ઉંચાઈ પરથી લેવામાં આવી હતી અને તેનું રિઝોલ્યુશન 50 સેમી પ્રતિ પિક્સેલ હતું. તે સમયે સેટેલાઇટનું શરીર 10 ડિગ્રી પ્રતિ સેકન્ડની ઝડપે ફરતું હતું. આટલી ઝડપ આ પહેલા કોઈ સેટેલાઇટમાં જોવા મળી નથી.
આ પ્રોજેક્ટ પર કામ કરનાર વિજ્ઞાની યાંગ ફેંગે કહ્યું કે અમારી ટેક્નોલોજી વિશ્વમાં એક અગ્રણી સ્થાને પહોંચી છે. તેમણે દાવો કર્યો હતો કે બેઇજિંગ-3 સેટેલાઇટ પૃથ્વી પર નજર રાખવા માટે વિશ્વનો સૌથી શક્તિશાળી ઉપગ્રહ હોઈ શકે છે. આ સેટેલાઇટ એવા કામ કરી રહ્યો છે જે અત્યાર સુધી અશક્ય માનવામાં આવે છે. રિપોર્ટમાં કહેવામાં આવ્યું છે કે સેના માટે આ ટેક્નોલોજીનો ખુલ્લેઆમ ઉપયોગ કરી શકાય છે. આ ઉપગ્રહ ચોક્કસ લક્ષ્યોને સરળતાથી ઓળખી શકે છે.
યાંગે કહ્યું કે ચીનના બેઇજિંગ-3 સેટેલાઇટનો રિસ્પોન્સ ટાઇમ અમેરિકાના વર્લ્ડ વ્યૂ-4 સેટેલાઇટ કરતાં બેથી ત્રણ ગણો લાંબો છે. વર્લ્ડ વ્યૂ-4 હાલમાં પૃથ્વીનું અવલોકન કરવા માટેનો સૌથી અદ્યતન ઉપગ્રહ છે. અમેરિકન સેટેલાઇટનો ફાયદો એ છે કે તે ચીની સેટેલાઇટની સરખામણીમાં 30 સેન્ટિમીટર પ્રતિ પિક્સેલના દરે વિગતવાર ચિત્ર લઈ શકે છે. ચાઈનીઝ સેટેલાઈટમાં એવી સોલાર પેનલ છે કે તે તેના સમય દરમિયાન ફરવાનું બંધ કરી દે છે.
