ભારતીય ક્રિકેટ ટીમનાં કેપ્ટન વિરાટ કોહલી અને બોલિવૂડ એક્ટ્રેસ તમન્નાહ ભાટિયા સામે મદ્રાસ હાઇકોર્ટમાં એક અરજી કરવામાં આવી છે. આમા બંને પર ઓનલાઇન જુગાર એટલે કે ઓનલાઇન જુગારને પ્રોત્સાહન આપવાનો આરોપ મુકવામાં આવ્યો છે અને ધરપકડની માંગ પણ કરવામાં આવી છે. આ અરજી ચેન્નઈનાં વકીલ દ્વારા કરવામાં આવી છે. જેમા અરજદારે એમએચસીને ઓનલાઇન જુગાર પર પ્રતિબંધ મુકવા નિર્દેશો આપવા જણાવ્યું છે. તેમના કહેવા પ્રમાણે, યુવાનોને ટેવ પડી ગઈ છે.

એક અહેવાલ મુજબ આ અરજીમાં વધુમાં કહેવામાં આવ્યું છે કે, ઓનલાઇન જુગારની કંપનીઓ વિરાટ કોહલી અને તમન્નાહ જેવા સેલેબ્સનો ઉપયોગ યુવાનોને બ્રેઈનવોશ કરવા માટે કરે છે અને આ માટે બંનેની ધરપકડ થવી જોઈએ. અહી ઓનલાઇન જુગાર માટે લીધેલા પૈસા પરત ન આપી શકતા આત્મહત્યા કરનાર યુવકનાં કેસનો પણ ઉલ્લેખ થયો હતો.

વિરાટ કોહલી વિશે વાત કરવામાં આવે તો તે પત્ની અનુષ્કા શર્મા સાથે લોકડાઉનમાં તેમના મુંબઈનાં ઘરે રોકાઈ રહ્યો છે અને આ વર્ષની આઈપીએલની તૈયારી કરી રહ્યો છે. વિરાટ આઈપીએલમાં રોયલ ચેલેન્જર્સ બેંગ્લોરની કેપ્ટનશીપ કરતો જોવા મળશે. જો કે, વિરાટ કેપ્ટનશીપની દ્રષ્ટિએ કમનસીબ છે, કારણ કે ઘણા વર્ષોથી આરસીબીની કેપ્ટનશીપ કર્યા પછી પણ તેની ટીમ એક વખત પણ આઈપીએલ ટાઇટલ જીતી શકી નથી. આ વર્ષે આઈપીએલની 13 મી સીઝન 19 સપ્ટેમ્બરથી શરૂ થઈ શકે છે, જ્યારે તેની ફાઈનલ 8 નવેમ્બરથી રમી શકાશે.

નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…

તમે અમને Facebook, Twitter, Instagram અને YouTube પર પણ લાઇક અને ફોલો કરીશકો છો.