એર ઇન્ડિયા એક્સપ્રેસનું વિમાન ઉતરાણ દરમિયાન કોઝિકોડના કરીપુરમાં વિમાન ક્રેશ થયું હતું. વિમાનમાં 191 લોકો સવાર હોવાનું જણાવાયું છે. આ દુર્ઘટના ખૂબ મોટી હોવાનું જણાવાયું છે. તસવીરોમાં સ્પષ્ટ છે કે વિમાનને બે ટુકડામાં વહેચાયું છે. વિમાન (એર ઇન્ડિયા ફ્લાઇટ, આઈએક્સ -1344) દુબઇથી કોઝિકોડ આવી રહ્યું હતું. એવું કહેવામાં આવી રહ્યું છે કે વરસાદને કારણે વિમાનને લેન્ડિંગ દરમિયાન રનવે પર કાબૂ ગુમાવી દીધો હતો, જેના કારણે આ અકસ્માત સર્જાયો હતો. અકસ્માત બાદ રાહત અને બચાવ માટે ટીમો આવી પહોંચી છે. ફાયર બ્રિગેડ અને એમ્બ્યુલન્સ વાહનો પણ સ્થળ પર હાજર છે.
આ અકસ્માતમાં વિમાનના પાઇલટનું મોત નીપજ્યું છે, અન્ય ઘણા મુસાફરો પણ ગંભીર રીતે ઘાયલ થયા છે. મળતી માહિતી મુજબ સાંજે 7.41 વાગ્યે ઉતરતી વખતે વિમાન રનવે પરથી સરકી ગયું હતું અને ખીણમાં પડી ગયું હતું. ઘાયલ અને મૃતકોની સંખ્યા અંગે હાલમાં કોઈ પુષ્ટિ થયેલ માહિતી મળી નથી. અહેવાલો અનુસાર, ભારે વરસાદને કારણે રનવે પર પાણી ભરાયા હતા, જેના કારણે વિમાન રનવેથી આગળ નીકળી ગયું હતું અને લગભગ 30 ફૂટ ઊંડી ખાઈમાં પડી ગયું હતું.
સિવિલ એવિએશન ડિરેક્ટોરેટ જનરલ (ડીજીસીએ) એ આ મામલે વિસ્તૃત તપાસના આદેશ આપ્યા છે.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને Facebook, Twitter, Instagram અને YouTube પર પણ લાઇક અને ફોલો કરીશકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “MantavyaNews” ની નવી મોબાઇલ એપ્લિકેશન.
