બોલિવૂડનો ડ્રગ્સ કનેક્શનનો મામલો હવે સંસદમાં પહોંચી ગયો છે, સોમવારે ભાજપના સાંસદ રવિ કિશનને લોકસભામાં આ મુદ્દો ઉઠાવ્યો, જેના પર રાજ્યસભાના સાંસદ જયા બચ્ચને મંગળવારે પલટવાર કર્યો છે, તેમણે કહ્યું કે ‘જેમને ફિલ્મ ઉદ્યોગથી નામ કમાવ્યું છે, તેઓ તેને ગટર કહે છે. હું આ સાથે બિલકુલ સહમત નથી, તેમણે સરકારને અપીલ કરી છે કે આવા લોકોને આવી ભાષાનો ઉપયોગ ન કરવા કહેવું. એક સમય તેમણે આવા લોકોને કહ્યું કે ‘તમે જે થાળીમાં ખાવ છો તેના છેદ કરો છો.’
જેના પર રવિ કિશનએ હવે પ્રતિક્રિયા આપી છે, તેમણે કહ્યું કે મને અપેક્ષા છે કે જયા બચ્ચન મને ટેકો આપશે, બોલીવુડમાં દરેક જણ ડ્રગ વ્યસની નથી, પરંતુ આપણે ત્યાં આ ડ્રગ કાર્ટેલ કામ કરે છે તેવું નકારી શકાય નહીં. રવિ કિશને કહ્યું કે આ ડ્રગ કાર્ટેલની કરોડરજ્જુ તોડવી જરૂરી છે જયાએ મારું નિવેદન ધ્યાનથી નથી સાંભળ્યું, આપણે આપણો ઉદ્યોગ અને યુવાનો બચાવવો પડશે, મને આશા છે કે વરિષ્ઠ તરીકે તે આ સમજી લેશે પરંતુ જે કંઈ કહેવામાં આવ્યું છે, હું આ મુદ્દે મારી લડત ચાલુ રાખીશ.તેમનો પક્ષ જુદો છે, તેમની વિચારધારા જુદી છે. મારો પક્ષ ભાજપ છે, અમારી વિચારધારા દેશમાંથી ગંદકી સાફ કરવાની છે. જેટલો ફિલ્મ ઈન્ડસ્ટ્રી પર તેમનો હક છે (જયા બચ્ચન), એટલો જ આ ઇન્ડસ્ટ્રી પર મારો પણ અધિકાર છે, ઇન્ડસ્ટ્રીને ખોખલું નહીં થવા દઉં પછી ભલે ને મતો જીવ પણ કેમ ન જતો રહે.
કંગનાએ 26 ઓગસ્ટે એક ટ્વિટમાં વડા પ્રધાન કાર્યાલયને ટેગ કરતા એક ટ્વીટ કર્યું હતું. તેમણે લખ્યું કે, “જો નારકોટિક્સ કંટ્રોલ બ્યુરો બોલીવુડની તપાસ કરશે તો પહેલી હરોળના ઘણા સ્ટાર્સ જેલની પાછળ હશે.” જો રક્ત પરીક્ષણ થાય છે, તો ઘણી આઘાતજનક બાબતો બહાર આવશે. અપેક્ષા કરવામાં આવે છે કે વડા પ્રધાન સ્વચ્છ ભારત મિશન અંતર્ગત બોલિવૂડ જેવા ગટરને સાફ કરશે.
કંગના રનૌતે ટ્વિટ કરીને કહ્યું હતું કે, જયા જી, તમે ત્યારે પણ એ વાત કરશો,જો મારી જગ્યાએ તમારી પુત્રી શ્વેતાને ટીનેજમાં મારવામાં આવે, ડ્રગ્સ આપવામાં આવે અને છેડતી કરવામાં આવે. જો તમે અભિષેક સતત દાદાગીરી અને પજવણીની ફરિયાદ કરે અને એક દિવસ ફાંસી પર લટકતો જોવા મળે? અમારા માટે પણ કરુણાથી હાથ જોડીને બતાવો.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને Facebook, Twitter, Instagram અને YouTube પર પણ લાઇક અને ફોલો કરીશકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “MantavyaNews” ની નવી મોબાઇલ એપ્લિકેશન.
