ગુજરાતમાં ભાજપ સતત સાતમી વખત સરકાર બનાવે તેવી શક્યતા EXIT POLL માં કરવામાં આવી છે. મતદાન સમાપ્ત થયા પછી આવેલા તમામ એક્ઝિટ પોલમાં ભાજપ રાજ્યમાં મોટી જીત તરફ જોવા મળી રહ્યું છે. ગુજરાતમાં એક્ઝિટ પોલમાં ભાજપને સૌથી વધુ 151 સીટો આપવામાં આવી છે. જો આમ થશે તો પાર્ટી રાજ્યમાં સૌથી વધુ બેઠકો જીતવાનો કોંગ્રેસનો જૂનો રેકોર્ડ પણ તોડી નાખશે. એક્ઝિટ પોલમાં સીટોની સંખ્યા અને વોટ ટકાવારી સિવાય પણ ઘણા આંકડાઓ સામે આવ્યા છે. સર્વેમાં મતદારોને અનેક પ્રશ્નો પણ પૂછવામાં આવ્યા છે. એબીપી ન્યૂઝ-સી વોટરના સર્વેમાં દલિત અને મુસ્લિમ મતદારોએ કઈ પાર્ટીને સમર્થન આપ્યું છે તે લોકો પાસેથી જાણવાનો પ્રયાસ કરવામાં આવ્યો હતો.
જ્યારે દલિત મતદારો પાસેથી તેમનો અભિપ્રાય લેવામાં આવ્યો ત્યારે જાણવા મળ્યું કે દલિત મતદારોના 48 ટકા મત ભાજપને મળ્યા છે જ્યારે કોંગ્રેસને 38 ટકા મત મળ્યા છે. 11 ટકા દલિત મતદારોએ આમ આદમી પાર્ટીને પોતાનો મત આપ્યો છે. એક અંદાજ મુજબ ત્રણ ટકા દલિત મત અન્યના ખાતામાં જશે. સાથે જ મુસ્લિમ મતદારો પાસેથી તેમના અભિપ્રાય પણ લેવામાં આવ્યા છે. 25% મુસ્લિમ મત ભાજપને એક્ઝિટ પોલ અનુસાર, 25 ટકા મુસ્લિમોએ ભાજપને મત આપ્યો છે, જ્યારે કોંગ્રેસને 45 ટકા મુસ્લિમ મતદારોનું સમર્થન મળ્યું છે. આમ આદમી પાર્ટીને 27 ટકા મુસ્લિમ વોટ મળ્યા છે. અન્યને ત્રણ ટકા મુસ્લિમ મતો મળ્યા હતા. ઓબીસી મતદારોની વાત કરીએ તો, 55 ટકા ઓબીસી મતદારો ભાજપ સાથે, 30 ટકા કોંગ્રેસ સાથે, 13 ટકા AAP સાથે અને 2 ટકા અન્ય લોકો સાથે છે.
લગભગ તમામ એક્ઝિટ પોલમાં ભાજપને મોટી જીત મળતી જોવા મળી રહી છે. અત્યાર સુધી માય એક્સિસે ગુજરાતમાં ભાજપને 129થી 151 બેઠકો આપી છે, જ્યારે આ એક્ઝિટ પોલમાં ભાજપને 16થી 30 બેઠકો અને આમ આદમી પાર્ટીને 9થી 21 બેઠકો મળી રહી છે. અને અન્ય પક્ષને 2 થી 6 બેઠકો મળવાની ધારણા છે. એબીપી-સી-વોટરની વાત કરીએ તો, તેણે ભાજપને 128થી 140, કોંગ્રેસને 31થી 43, AAPને 3થી 11 અને અન્યને 2થી 6 બેઠકો આપી છે. રિપબ્લિક-પી માર્ક એક્ઝિટ પોલમાં ભાજપ માટે 128 થી 148 બેઠકો, કોંગ્રેસને 30 થી 42, AAP માટે 2 થી 10 અને અન્ય માટે શૂન્યથી 3 બેઠકોની આગાહી કરવામાં આવી છે.
