Maharashtra News: મુંબઈ ઉત્તર-પૂર્વ લોકસભા મતવિસ્તારના ભાજપના ઉમેદવાર મિહિર કોટેચાના કાર્યાલય પર રોકડ જપ્તી દરમિયાન ચૂંટણી પંચના કર્મચારીઓ પર હુમલો કરવામાં આવ્યો હતો. પોલીસે આ કેસમાં પાંચ આરોપીઓની ધરપકડ કરી છે જ્યારે 30 લોકો સામે કેસ નોંધવામાં આવ્યો છે.પોલીસ અધિકારીએ જણાવ્યું કે શનિવારે ચૂંટણી પંચના અધિકારીઓએ શહેરમાં ભાજપના ઉમેદવારના કાર્યાલય પર રોકડ જપ્ત કરવાની કાર્યવાહી કરી હતી. આ દરમિયાન ભાજપના ઉમેદવાર અને તેમના સમર્થકો ઉશ્કેરાઈ ગયા અને મારામારી શરૂ કરી દીધી.
પોલીસને આપેલી ફરિયાદમાં ચૂંટણી પંચના ફ્લાઈંગ સ્ક્વોડ ઓફિસર માધવ ભાંગરેએ કહ્યું છે કે CVigil મોબાઈલ એપ દ્વારા માહિતી મળી હતી કે ઉપનગરીય મુલુંડમાં BP ઈન્ટરસેક્શન પાસે બીજેપી ઉમેદવાર દ્વારા રોકડનું વિતરણ કરવામાં આવી રહ્યું છે.આ આચારસંહિતાનો ભંગ છે, આથી ભાજપના ઉમેદવારના કાર્યાલયે પહોંચ્યા બાદ તપાસ હાથ ધરવામાં આવી હતી. જ્યારે ફ્લાઈંગ સ્કવોડ કાર્યવાહી કરી રહી હતી ત્યારે કોટેચાના સમર્થકો બહાર એકઠા થઈ ગયા હતા. એ લોકોએ સરકારી કામકાજ ખોરવ્યું.
આરોપીઓએ ચૂંટણી પંચના અધિકારીઓ સાથે મારપીટ કરીને પૈસા પડાવી લેવાનો પ્રયાસ કર્યો હતો. ઉમેદવારની ઓફિસમાંથી 50 હજારથી વધુની રોકડ જપ્ત કરવામાં આવી છે. પોલીસે આ કેસમાં અભિજીત ચવ્હાણ, ગુરુજ્યોત સિંહ કીર, રોહિત ચિકને, દિનેશ જાધવ અને પ્રતીક કોટકની ધરપકડ કરી છે. પોલીસ અન્ય ફરાર આરોપીઓને શોધી રહી છે.
આ પણ વાંચો:‘હું ઘટના સમયે CM નિવાસસ્થાને નહોતો’, વિભવ કુમારનો દાવો
આ પણ વાંચો:જમ્મુ-કાશ્મીરમાં આતંકવાદી હુમલો, શોપિયામાં ભાજપ નેતાની હત્યા
આ પણ વાંચો:વરસાદ થશે કે નહીં… પહેલાં કેવી રીતે કરાતું હતું અનુમાન?
